Eýrazııalyq ekonomıkalyq qoǵamdastyq: ON JYLDYŃ EREN NÁTIJELERI

Astanada Eýrazııalyq ekonomıkalyq qoǵamdastyqtyń (EýrAzEQ) Memleketaralyq keńesiniń memleket basshylary deńgeıindegi 27-shi otyrysy ótti, dep habarlady Qazaqstan Respýblıkasy Prezıdentiniń baspasóz qyzmeti. Aqordada shaǵyn jáne keńeıtilgen quram­darda ótken otyrystarǵa Memleket basshysy Nursultan Nazarbaev, Belarýs Prezıdenti Aleksandr Lýkashenko, Reseı Prezıdenti Dmıtrıı Medvedev, Tájikstan Prezıdenti Emo­malı Rahmon, ótpeli kezeńdegi Qyrǵyzstan Prezıdenti Roza Otýnbaeva, sondaı-aq EýrAzEQ janyndaǵy baqylaýshy bolyp taby­latyn memleket – Armenııa Prezıdenti Serj Sargsıan qatysty. Jıyndy ashqan EýrAzEQ Memleketaralyq keńesiniń tóraǵasy, Qazaqstan Prezıdenti Nursultan Nazarbaev otyrysqa qatysýshy­lar­dy mereıli data – Eýrazııalyq ekonomıkalyq qoǵamdastyǵy qurylýynyń 10 jyldyǵymen quttyqtady. Memleket basshysy 2000 jyly Astanada Belarýs Respýblıkasy, Qazaqstan Respýblı­ka­sy, Qyrǵyz Respýblıkasy, Reseı Federa­sııa­sy jáne Tájikstan Respýblıkasy prezı­dentteriniń qatysýymen Eýrazııalyq eko­nomıkalyq qoǵamdastyqty qurý týraly Shartqa qol qoıylǵanyn atap ótti. – Bul Shart – EýrAzEQ-qa múshe memleketter lıderleriniń umtylysyn jáne bizdiń memleketter azamattarynyń arman-tilegin júzege asyrǵan, keń aýqymdaǵy memleketaralyq yntymaqtastyq mindetterdi sheshýdiń jáne maqsattaryna jetýdiń tetigi bolýǵa tıis óńirlik halyqaralyq uıym – EýrAzEQ-tyń qurylýyna quqyqtyq negiz qalady. Qurylǵan sátten bergi 10 jyldan soń biz EýrAzEQ-tyń burynǵy keńestik keńistiktegi barynsha tabysty ıntegrasııalyq uıym bolǵanyn senimdi túrde aıta alamyz, – dedi Nursultan Nazarbaev. Otyrys barysynda EýrAzEQ-qa qatysýshy mem­leketterdiń basshylary EýrAzEQ Mem­leket­aralyq keńesiniń 2009 jylǵy qarasha aıynda Mınsk qalasynda ótken 24-shi oty­ry­syn­da qabyldanǵan sheshimderdiń oryndalýy týraly aqparatty tyńdady. Eýrazııalyq ekono­mıkalyq qoǵamdastyqty damytýdyń barynsha ózekti problemalary men keleshegine, Keden odaǵynyń tolyqqandy jumys isteýine jáne oǵan qatysýshylardyń Biryńǵaı ekonomıkalyq keńistigin qurýǵa qatysty máselelerdi talqylady. EýrAzEQ-tyń onjyldyq tarıhynyń ná­tıjeleri tańdandyratyny atap ótildi. Búginde ol – qatysýshy memleketterdiń ekonomıkada, ǵylymda, bilim berýde, mádenıette, áleýmettik sa­lada jáne basqa da qyzmet salalarynda ıntegrasııasyn tereńdete túsý úshin naqtyly alań. EýrAzEQ aıasyndaǵy jumys jyldarynda bizdiń elderimiz yntymaqtastyǵynyń aýqymdy normatıvtik-quqyqtyq bazasy qalyptasty. Qoǵamdastyqtyń TMD keńistigindegi saýda-ekonomıkalyq qatynastardyń jalpy qurylymyndaǵy mańyzy artty. Qatysýshy memleketter EýrAzEQ aıasynda qolǵa alǵan  is-áreket jahandyq qarjy jáne ekonomıkalyq daǵdarystyń qıyn kezeńinen sátti ótýge septigin tıgizdi. Osy maqsatta Daǵ­darysqa qarsy qor quryldy. Qarjy daǵ­da­ry­synyń keleńsiz saldaryn eńserý jónindegi Bir­lesken sharalar jospary jasalyp, iske asyrylyp keledi. Memleketter basshylary EýrAzEQ aıasynda osy saladaǵy ınnovasııalyq saıasatqa jáne yntymaqtastyqqa zor mán beredi. Negizgi maq­saty ǵylymı-tehnıkalyq baǵdarlamalar men ınnovasııalyq jobalardy birlesip ázirleý jáne júzege asyrý bolyp tabylatyn Joǵary tehnologııalar ortalyǵy quryldy. EýrAzEQ-tyń onjyldyq tarıhynyń eń basty jetistigi, sóz joq, Keden odaǵy qalyptasýynyń aıaqtalǵany bolyp tabylady, onyń aıasynda Biryńǵaı keden tarıfteri áreket etip, Keden kodeksi týraly Shart qabyldandy. Integrasııanyń kelesi kezeńi – Biryńǵaı ekonomıkalyq keńistiktiń quqyqtyq bazasyn qurý týraly másele qazirdiń ózinde belsendi qarastyrylýda. Qoǵamdastyq aıasyndaǵy yntymaqtastyq Birikken Ulttar Uıymy tarapynan halyqara­lyq moıyndaýǵa ıe boldy. EýrAzEQ-tyń BUU Bas Assambleıasy janyndaǵy baqylaýshy mártebesi bar. Qoǵamdastyq sondaı-aq TMD, UQShU, Eýropa Odaǵy, ShYU, AО́SShK, BSU, EDQB, ADB jáne basqa da uıymdardyń qurylymdarymen ózara yqpaldasýda. Otyrys barysynda EýrAzEQ-qa múshe memleketter basshylarynyń Eýrazııalyq ekonomıkalyq qoǵamdastyq qurylýynyń 10 jyldyǵyna baılanysty Birlesken málimdemesi qabyldandy. Sondaı-aq Keden odaǵy aıasyn­da­ǵy isterdi qaraý jónindegi Qoǵamdastyq So­ty­nyń quzyretin keńeıtýdi kózdeıtin EýrAzEQ Sotynyń jańa redaksııadaǵy Statýty qabyldandy. Bul otyrystyń aıtýly oqıǵasy memleket­ter basshylarynyń Keden odaǵynyń Kedendik kodeksi týraly Sharttyń kúshine engendigi jónindegi Birlesken málimdemesi boldy. Taraptar Astanadaǵy kezdesýdiń nátıje­leri­ne qanaǵattanǵandyq bildirip, Qoǵamdastyq aıasyndaǵy kópjaqty yntymaqtastyqty ny­ǵaıta túsý boıynsha maqsatty jáne sarabdal saıasatty jalǵastyra beretindigin aıtty. Otyrys sońynda prezıdentter BAQ ókil­deri úshin qysqasha málimdemeler jasady.