Ol osy qylmysy úshin 5 jyl 6 aı merzimge sottaldy .Muǵaljar aýdandyq sotynyń habarlaýynsha, sottalýshy esep-qısap jáne salyqtyq tólemderdi júrgizýdi «Dekretke mıllıonmen» kýrsynan oqyp alyp júzege asyrǵan. Ol Aqtóbe, Mańǵystaý, Qyzylorda, Túrkistan oblystarynyń dekrettik demalysqa shyǵatyn áıelderin óz fırmasyna tirkep, olardyń atynan zeınetaqy jarnasy men áleýmettik tólemder tólep otyrǵan.
Tekserý barysynda osy iske qatysqandardyń eshqaısysy da jeke kásipkerdiń qaramaǵynda jumys istemegeni anyqtalyp, Qylmystyq rodekstiń iri kólemdegi alaıaqtyq babymen qylmystyq is qozǵaldy. Sot prosesinde prokýror sottalýshyǵa 6 jyl 8 aı merzimge bas bostandyǵynan aıyrý jazasyn taǵaıyndaýdy usyndy. Alaıda aýdandyq sot sýdıasy jaza merzimin tómendetip, aıyptalýshynyń balalary 14 jasqa jetkenge deıin túrmege qamalmaıtyny týraly sheshim shyǵardy.
Sot úkimi kúshine engennen keıin Memlekettik áleýmettik saqtandyrý qorynyń Aqtóbe fılıaly zańsyz dekrettik tólemder alǵan 41 áıelden qarajatty keri qaıtarýdy talap etpekshi.
Aıta ketý kerek, osy jyldyń jazynda Aqtóbe qalasynyń soty zańsyz dekrettik tólemder alyp bergen eki esepshiniń isin qarady. Olar da jeke kásipker retinde tirkelip, onnan astam áıeldi 13 jeke kásipkerdiń qaramaǵyna «jumysqa ornalastyryp», memleketten 98 mıllıon teńge áleýmettik tólem alyp bergen.
Qazirgi ýaqytta olar zańsyz ıelengen áleýmettik tólemderdi qaıtaryp jatyr. Bul is boıynsha alaıaqtyqqa barǵandardyń da bnternetten «Dekretke mıllıonmen» kýrsyn oqyp, áreket etkenderi belgili boldy.
