Halyqaralyq deńgeıde ótken baıqaýda 60 bı ansambli óner kórsetti. Baıqaýdyń horeografııalyq kezeńinde «Erkem-aı» bı ansambli óner kórsetip, úlken top – birinshi jáne ekinshi oryn, orta top ekinshi oryn aldy.
Daryndy balalardy ónerge baýlyp júrgen horeograf Aqerke Janbolqyzy Jezqazǵan qalasyndaǵy mýzykalyq kolledji támamdap, týǵan jeri Sh.Eralıev aýylyna «Dıplommen aýylǵa» memlekettik baǵdarlamasymen kelgen.
Aýylda «Erkem-aı» bı stýdııasyn ashady. Bı ansambli alty jyldyń ishinde kóptegen jetistikke jetti. 2019 jyly Almaty qalasyndaǵy óner baıqaýynda ekinshi oryn, Qaraǵandy qalasynda birinshi oryn alady. 2020 jyly Qaraǵandy qalasyndaǵy halyqaralyq baıqaýda bas júldeni oljalady. 2021 jyly Shymkent qalasynda ekinshi oryn ıelendi. 2023 jyly Jezqazǵan qalasy ákimdigi uıymdastyrǵan «Ulytau Fest» baıqaýynda birinshi oryn alyp, ansambldiń mereıi ústem boldy.
«Aýyl balalarynyń sahnada óner kórsetsem degen armany oryndalyp júr. Bizdiń maqsat – tek bı bıleý emes, bı arqyly balalardy tárbıeleý, shabyt berý jáne ulttyq ónerge degen mahabbatty oıatý!», deıdi «Erkem-aı» bı ansambliniń jetekshisi Aqerke Kópbosynova.
Ulytaý oblysy
