Sapar «Assambleıa. Parlament. Máslıhattar» jobasy aıasynda ótti. Oblys ákimi Nurdáýlet Qılybaıdyń qatysýymen barlyq deńgeıdegi máslıhat depýtattarymen jáne óńirlik Assambleıa aktıvimen kezdesý uıymdastyryldy. Jıynda Memleket basshysynyń Qazaqstan halqyna Joldaýynda jáne Qazaqstan halqy Assambleıasynyń XXXIV sessııasy qorytyndylary boıynsha berilgen tapsyrmalardyń oryndalýy, jergilikti ókildi organdarmen ózara is-qımyl, qoǵamdyq mańyzy bar bastamalardyń iske asyrylýy jáne Assambleıa músheleriniń ulttyq qundylyqtardy ilgeriletýge qatysýy talqylandy.
Vedomstvo dereginshe, 2025 jyly Mańǵystaý oblystyq Qazaqstan halqy Assambleıasy 10 myńnan astam adamdy qamtyǵan 150-den astam is-shara ótkizdi.
Oblys ákimimen birge delegasııa QHA-nyń oblystyq «Jomart jan» syılyǵynyń laýreattaryn marapattaý rásimine qatysty. Bıyl óńirde bes nomınasııa boıynsha 15 laýreat anyqtalyp, oblystyń damýyna jáne áleýmettik bastamalardy qoldaýǵa qosqan aıryqsha úlesi úshin eki arnaıy syılyq tabystaldy.
Jumysshy mamandyqtar jylyn nasıhattaý maqsatynda QHA Tóraǵasynyń orynbasary men Senat depýtattary óńirdegi birqatar kásiporynda boldy. Atap aıtqanda, «BEREKET-F» kompanııasyna, «PRESTIGE» jıhaz gıpermarketine jáne Túpqaraǵan aýdanyndaǵy túıe sútin óndiretin sehqa bardy. Kópetnosty eńbek ujymdarymen kezdesýler ótkizilip, etnosaralyq kelisimdi nyǵaıtý, Assambleıa bastamalary sheńberinde áleýmettik mańyzy bar jobalardy jáne volonterlik jumys formatyn damytý máseleleri talqylandy.
