Jambyl oblystyq sotynyń málimetinshe 2025 jyldyń tamyzynda jumyssyz júrgen M. tolyq emes jumys kúni týraly habarlandyrýdy kórip, «Telegram» siltemesine ótip, «Baıron Jerjevıch» degen paıdalanýshymen baılanysqa shyqqan. Ol oǵan psıhotroptyq zattardy taratý boıynsha jumys usynǵan. Qyzmettiń zańsyz ekenin bile tura, M. onymen kelisip, atalǵan adammen aldyn ala sóz baılasýǵa kirisken.
«Ári qaraı ol Almaty qalasynda qoımanyń koordınattaryn alyp, onda 94 býma psıhotroptyq zatty alǵan. Kelesi kúni kýratordyń nusqaýlaryna sáıkes M. olardy odan ári taratý úshin Taraz qalasyna kelgen», – dep jazylǵan habarlamada.
Sottalýshy qalanyń ártúrli jerlerine 9 esirtki býmasyn qoıyp ketken. Alaıda sol kúni ýchaskelik polısııa ınspektoryna ustalyp qalǵan. Tintý kezinde asa iri mólsherdegi jalpy salmaǵy 41,86 gramm bolatyn 85 býmany óz erkimen bergen.
Prokýror sottalýshyny 8 jylǵa bas bostandyǵynan aıyrýdy surady. Sottalýshy M. óziniń kinásin tolyq moıyndap, sottan oǵan eń jeńil jaza taǵaıyndaýdy surady.
Sot sottalýshynyń buryn sotty bolmaǵanyn, kinásin moıyndaǵanyn jáne jasaǵan isine ókinish bildirgenin jazany jeńildetetin mán-jaılar retinde qarastyrdy.
Sot úkimimen M. Qylmystyq kodeksiniń 297-baby 3-bóliginiń 1), 3) tarmaqtary (adamdar tobynyń aldyn ala sóz baılasyp, psıhotroptyq zattardy asa iri mólsherde ótkizý maqsatynda zańsyz ıemdený jáne saqtaý) boıynsha kináli dep tanylyp, oǵan 7 jyl bas bostandyǵynan aıyrý jazasy taǵaıyndaldy.
Úkim zańdy kúshine endi.
