Foto: ru.freepik.com
Talqylaý barysynda Ecojer qaýymdastyǵynyń bas dırektory Rústem Qabjanov endi qaldyqtardy óńdeýdiń barlyq úderisi ashyq júrgiziletinin aıtty. Osy baǵytta biryńǵaı sıfrlyq esep júıesi engiziledi.
Kompanııalar qaldyqtyń túzilýinen bastap qaıta óńdeýge deıingi ár kezeń esebin berýge mindetteledi.
Budan bólek, qaıta óńdeý ınfraqurylymyn damytý polıgondarǵa túsetin júktemeni aıtarlyqtaı azaıtyp, aınalmaly ekonomıkaǵa kóshýdi qamtamasyz etedi. Qaıtalama materıaldarǵa standarttardy engizý jáne suryptaý nysandaryn keńeıtý, óńirlerdegi bıznes úshin tıimdi bolyp, turaqty qaıta óńdeý naryǵyn qalyptastyrýǵa múmkindik beredi.
Rústem Qabjanov jańa erejelerdi bekitý úshin jeke salalyq zań qabyldaý men tarıftik tetikterdi jańartý josparlanǵanyn atap ótti.
«Tujyrymdamany júzege asyrý qaldyqtardy kómý kólemin edáýir qysqartýǵa, qaıta óńdeý úlesin ulǵaıtýǵa jáne ekonomıkaǵa qaıtalama resýrstardy tartýǵa múmkindik beredi. Qazaqstannyń sırkýlıarlyq ekonomıka modeline kóshýi ekologııalyq jaǵdaıdy jaqsartý úshin qolaıly jaǵdaılar jasaıdy jáne bıznes úshin jańa múmkindikter ashady», dedi Rústem Qabjanov.
Al Shyǵys Qazaqstan oblysynda qaldyqtardy qaıta óńdeý salasyna sheteldik ınvestorlar tartylady. О́ńir ákimi Nurymbet Saqtaǵanov qaldyqtardy basqarý boıynsha aımaqta atqarylyp jatqan jumystardy baıandady.
«О́ndiristik kásiporyndardan 2 mıllıard tonnadan astam tehnogendi mıneraldyq túzilimderdi zamanaýı esepke alý, qaýipsiz saqtaý jáne qaıtalama aınalymǵa tartý talap etiledi. Sonymen qatar oblys halqynan jyl saıyn 300 myń tonnaǵa jýyq turmystyq qaldyqtar jınalady», dedi Nurymbet Saqtaǵanov.О́ńirde qaldyqtardy qaıta óńdeý úshin Germanııa, Qytaı jáne Shveısarııalyq ınvestorlardy tartý jumystary júrgizilip jatyr. Sonymen qatar turmystyq qaldyqtardy jınaý, shyǵarý jáne suryptaý isi jolǵa qoıylǵan. 2026 jyldan bastap kommýnaldyq qaldyqtardy basqarý boıynsha sıfrlyq orta qurý josparlanyp otyr.
