Oqıǵa • 25 Qarasha, 2025

Almatyda kólik órtenip, uzyn-sonar keptelis paıda boldy

90 ret

kórsetildi

1 mın

oqý úshin

Almatyda saǵat 07:00 shamasynda ál-Farabı dańǵyly men Jarokov kóshesiniń mańynda úsh kólik qatysqan iri jol apaty boldy. Áleýmettik jelilerde oqıǵa ornynan túsirilgen beınejazbalar jarııalanyp, júrgizýshiler qozǵalystyń tolyq toqtap qalǵanyn aıtyp shaǵymdanǵan, dep habarlaıdy Egemen.kz.

Qyrmyzy JUMAǴALIQYZY

Almatyda kólik órtenip, uzyn-sonar keptelis paıda boldy

Foto: Vıdeodan alynǵan kadr

Qalalyq polısııa departamentiniń aldyn ala málimetinshe, batys baǵytta kele jatqan Toyota júrgizýshisi qarsy jolaqqa shyǵyp ketip, shyǵysqa qaraı qozǵalǵan Lexus avtokóligimen betpe-bet soqtyǵysqan. Soqqydan keıin toqtap turǵan Lexus-qa ál-Farabı dańǵyly boıymen shyǵysqa qaraı kele jatqan Hyundai kóligi soǵylǵan. Qatty soqqy saldarynan Toyota kóligi órtenip, júrgizýshi men jolaýshysy, sondaı-aq Lexus júrgizýshisi jaraqat aldy.

Qazir Bostandyq aýdandyq polısııa bóliminiń qyzmetkerleri oqıǵanyń tolyq mán-jaıyn anyqtap jatyr.

Tótenshe jaǵdaılar departamentiniń habarlaýynsha, órt sóndirýshiler oqıǵa ornyna dál sol ýaqytta jetip, Toyota Sienna markaly kóliktegi órtti 07:11-de tolyq sóndirgen.

Buǵan deıin Almaty oblysynda bolǵan jol apatynan alty adam qaza tapty.