Zań jobasy – bank zańnamasynyń keshendi reformasy. Qujattyń qurylymy aıtarlyqtaı jańartylyp, qoldanystaǵy normalarǵa tekserý júrgizildi, talaptar ońtaılandyryldy, sondaı-aq korporatıvtik basqarý, is-qımyldy qadaǵalaý jáne tólemge qabiletsiz bankterdi retteý máseleleri boıynsha jańa bólimder engizildi.
Zań jobalarynyń negizgi maqsaty – bank júıesiniń qarjylyq turaqtylyǵyn qamtamasyz etý. Negizgi novellalarǵa bank qyzmetin tepe-teń retteýdi engizý, qarjylyq-tehnologııalyq sektordy damytý jáne sıfrlyq qarjy aktıvterin retteý, ıslam bankıngin damytý, táýekelge baǵdarlanǵan is-qımyldy qadaǵalaý júıesin qalyptastyrý, tólemge qabiletsiz bankterdi retteýdiń jańa tetigin qurý jáne banktik retteýdi jetildirý kiredi.
Depýtattar zań jobalarynyń negizgi erejelerin talqylap, olardyń eldiń qarjy sektoryn odan ári damytý úshin mańyzdylyǵyn atap ótti. Talqylaýdan keıin zań jobalary ekinshi oqylymda maquldandy.
Zań jobalaryn qabyldaý bank júıesiniń ornyqtylyǵyn nyǵaıtýǵa, retteýdiń ashyqtyǵy men tıimdiligin arttyrýǵa, básekelestikti damytýǵa jáne qarjy naryǵynda ınnovasııalardy yntalandyrýǵa jaǵdaı jasaıdy.
