Týrnırdiń maqsaty – probasııa esebindegi azamattardy sport arqyly qoǵamǵa beıimdeý, salaýatty ómir saltyn nasıhattaý jáne olardyń ómirge degen qulshynysyn arttyrý.
Ulytaý oblysy boıynsha probasııalyq esepte turatyn sottalǵandar sporttyń qazaqsha kúres jáne qol kúresi túrinen saıysqa tústi. Týrnırge óńirdiń ár aýdanynan jazasyn óteýshiler jınalyp, jarys tartysty ótti.
«Saıys ádil ótti degen oıdamyn. Jarys nátıjesi boıynsha qol kúresten Jezqazǵan probasııa esebinde turatyn jazasyn óteýshi birinshi oryn aldy. Aldaǵy ýaqytta osyndaı is sharanyń jıi bolýy sottalǵandardyń túzelýine, qoǵamǵa qaıta beıimdeýge septigin tıgizedi degen oıdamyn», deıdi Jezqazǵan qalalyq probasııa qyzmeti bastyǵynyń orynbasary, ádilet maıory Ańsaǵan Muhanbetov.
Saıystyń sońynda úzdik dep tanylǵan sportshylar aqshalaı syılyq, arnaıy dıplom jáne medalmen marapattaldy.
Ulytaý oblysy
