Alqaly jıynǵa NU Qazaq tili jəne túrkitaný departamentiniń basshysy, professor Iýlaı Shamıl oǵly, ádebıettanýshy, UǴA akademıgi Baýyrjan Omarov, tilshi-ǵalym, UǴA akademıgi Kárimbek Qurmanálıev, Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıteti tóraǵasynyń orynbasary, PhD Aqerke Abylaıhan, «Qazaqstan» ulttyq telearnasynyń dırektory Bolat Múrsálim qatysyp, jańa jınaqtarǵa qatysty oılaryn ortaǵa saldy.
«Qazirgi ádebıettaný: dekolonııalyq dıskýrs» atty kólemdi eńbek úsh taraýdan turady. Atap aıtsaq, «Uly dalanyń asyl sózi: Ábý Nasyr ál-Farabı, Júsip Balasaǵunı, Mahmut Qashqarı, Abaı Qunanbaıuly», «Alash: ǵylymı dıskýrs», «Qazirgi ádebıet». Atalǵan jınaqta qazirgi ádebıet zamanaýı oksıdentaldy dıskýrs turǵysynan qarastyrylǵan. Alash ádebıettanýynyń teorııalyq qaǵıdalary qazirgi ádebıet pen ádebıettanýdyń negizin anyqtaýshy basty tuǵyry dep aıǵaqtalǵan. Abaıtaný ilimin osydan 120 jyl buryn qalyptastyrǵan Alash ádebıetshileri – Álıhan Bókeıhan, Ahmet Baıtursynuly, Mirjaqyp Dýlatuly, Júsipbek Aımaýytuly, Maǵjan Jumabaı, Smaǵul Sádýaqasuly, Sáken Seıfýllınderdiń ulttyq ádebıettegi otarsyzdandyrý kontenti qazirgi ádebıettanýdyń basty dıskýrsy retinde anyqtalǵan.
Avtor kitapta «Álemdik ádebıetti tanytatyn ádebıettaný ǵylymy búgin qandaı jańa baǵytty ustanýda? Álemdik ádebıet pen ádebıettaný jahandaný kezinde nege oksıdentaldy ustanymǵa beıim? Nobel syılyǵyn alǵan mátinderde oksıdentaldy ustanym nege basym?» degen syndy suraqtarǵa jaýap izdeıdi.
Qos jańa jınaq qazaq ádebıettaný ǵylymyn zertteýge yntaly ár izdenýshige baǵyt-baǵdar bolary sózsiz.
