Irgeli joba Jambyl aýdany aýmaǵyndaǵy Áýlıekól eldi mekenindegi «GES Myrzataı» JShS bastamasymen qolǵa alynǵan. Investısııanyń jalpy kólemi 60 mln AQSh dollaryn quraıdy. Jospar boıynsha joba eki kezeńdi qamtıdy. Bastapqyda qýaty 50 MVt bolatyn bý-gaz elektr stansııasy salynady, al ekinshi kezeńde onyń qýaty 150 MVt-qa deıin ulǵaıtylady. Nátıjesinde stansııanyń jalpy qýattylyǵy 200 MVt-qa jetedi.
Joba jetekshisi Hoý Chýan Sıýnniń aıtýynsha, ınvestısııalyq bastama aıasynda jer telimin rásimdeý, ınjenerlik izdestirý, jobalaý jáne tıisti kelisý jumystary kezeń-kezeńimen atqarylyp jatyr.
Búgingi tańda 7 gektar jer bólingen. Qurylysty júzege asyratyn merdiger uıym tańdaldy. Gıdrogeologııalyq zertteýler júrgizilip, 185 metr tereńdikte uńǵyma burǵylandy. Sondaı-aq gazben jabdyqtaý boıynsha tıisti tehnıkalyq sharttar alyndy. Qurylys jumystaryna 500-ge jýyq adam tartylady, bý-gaz elektr stansııasy tolyq qýatyna shyqqanda 80 jańa jumys orny ashylady.
Jambyl oblysy
