Foto: astana-akshamy.kz
Kúdikti siltemege ótpeý kerek
Kóp taralǵan shemalardyń biri – aqsha túskeni týraly jalǵan habarlama jiberý. Ondaı kezde azamattar bank shotyna túsken aqsha somasy týraly SMS-habarlama alady. Keıin olarǵa qaskóıler qońyraý shalyp, ózin aqsha aýdarǵan adam retinde tanystyrady da, «qatelesip aýdaryppyn» degen syltaýmen túsken aqshany keri qaıtarýdy suraıdy. Biraq, kóbine mundaı habarlamalar jalǵan bolyp shyǵady.
Osyndaı habarlama nemese qońyraý qabyldaǵan kezde aqshanyń qaıdan kelgenin tek banktiń resmı mobıldi qosymshasynda nemese ınternet-bankıng arqyly tekserip alǵan lázim. Belgisiz nómirden kelgen SMS-habarlamaǵa saq bolyp, kúdikti siltemege ótpeý kerek.
Alaıaqtyq shemanyń taǵy bir túri
Qaskóıler belgili bir azamattyń shotyna shynaıy túrde aqsha aýdarady. Keıin olar aqsha aýdarǵan adam bolyp qońyraý shalyp, «qatelesip aýdarǵanyn» aıtady da, túsken aqshany qaıtarýǵa basqa bir úshinshi taraptyń shotyn usynady. Áńgime kezinde psıhologııalyq qysym (mysaly, aqsha balanyń emine kerek ekenin aıtyp) kórsetýi nemese quqyq qorǵaý organdaryna, bolmasa, sotqa shaǵymdanatynyn aıtyp, qorqytýy múmkin. Kóbine alaıaqtar ózin «kúsh qurylymdarynyń» nemese «Ulttyq Banktiń qyzmetkeri» retinde tanystyryp, jeke jáne bank derekterin suratady.
Ulttyq Bank osyndaı oqıǵaǵa tap bolǵan jaǵdaıda nemese belgisiz bireýlerden aqsha túskende úshinshi taraptyń shotyna aqsha aýdarýdan saq bolýǵa shaqyrady. О́zgeden kelgen aqshany qaıtarý amalyn naqtylaý úshin dereý bankke habarlasqan durys. Qajet bolsa, tıisti ótinishti tapsyrý úshin banktiń eń jaqyn bólimshesine barý kerek.
Eger alaıaqtyq áreketke tap bolsańyz, quqyq qorǵaý organdaryna aryz túsirgen durys. Keńes alý úshin 1477 qysqa nómirine qońyraý shalyp, Ulttyq Banktiń Baılanys ortalyǵyna habarlasýǵa bolady.
