Prezıdenttiń aıtýynsha, ákimder barlyq máseleni múmkindiginshe óz deńgeıinde shuǵyl jáne sapaly sheshýi qajet. Biraq bul mindetti atqarý úshin jergilikti ákimderdiń qolynda tıisti quzyreti bolýy kerek. Atqarylyp jatqan jumystyń mán-jaıyn únemi jurtqa túsindirip otyrǵan jón.
«Syn túzelmeı, min túzelmeıdi» degen. Árıne, aıtylǵan usynys-pikirge nazar aýdarý kerek. Biraq árkimniń, ásirese, is-áreketi ersi, nıeti teris, tipti, arandatýshy adamdardyń yǵyna jyǵylmaı, jeteginde ketpeı, aqylǵa qonymdy usynysty ǵana qabyldaý qajet.
Negizi, bul – barlyq deńgeıdegi ákimderge ortaq ustanym. Turǵyndardy ortaq iske jumyldyryp, alǵa bastaı biletin ákimdi naǵyz ákim deýge bolady», dedi Prezıdent.
Qasym-Jomart Toqaev «Qazaqstan Respýblıkasy ishki saıasatynyń negizgi qaǵıdattaryn, qundylyqtary men baǵyttaryn bekitý týraly» Jarlyqqa qol qoıdy. Prezıdenttiń aıtýynsha, bul – árbir memlekettik qyzmetshiniń, ásirese ákimderdiń jumysyna baǵdar beretin óte mańyzdy qujat.
