Foto: kaztrk.kz
Memlekettik tirkeý nómirlik belgileri
Suranysy joǵary nómirlerdi saqtaý: endi azamattar buryn berilgen, suranysy joǵary memlekettik tirkeý nómirlik belgisin jańa kólik quralyna tirkeýge qoıa alady, tipti nómirdegi óńirlik kod jańa turǵylyqty jeriniń nemese kompanııanyń zańdy mekenjaıynyń kodymen sáıkes kelmegen jaǵdaıda da.
Saqtaýǵa tapsyrylǵan nómirlerdi saqtaý merzimi: memlekettik korporasııaǵa saqtaýǵa tapsyrylǵan nómirlik belgiler 30 kúntizbelik kúnnen artyq saqtalmaıdy. Atalǵan merzim ótkennen keıin nómirler joıylady.
Nómirlerdi basqa tulǵalarǵa berý: buryn paıdalanylǵan suranysy joǵary nómirlerdi basqa adamdardyń kólik quraldaryna qoıýǵa tyıym salynady. Bul talaptan tek jaqyn týystar arasyndaǵy qatynastarǵa baılanysty jaǵdaılar bosatylady: ata-ana men bala, asyrap alýshy men asyrap alynǵan, týǵan jáne birge ákeden nemese shesheden týǵan aǵaıyndy-qaryndastar, ata-áje men nemereler, nekede turǵan jubaılar.
Júrgizýshi kýálikteri
Áskerı júrgizýshi kýáliginiń ıeleri úshin: zańmen belgilengen jasqa tolǵan, áskerı júrgizýshi kýáligi bar azamattar tıisti sanattaǵy kólik quraldaryn basqarý quqyǵyn alý úshin avto-mektepte oqymaı-aq emtıhan tapsyra alady.
Qajetti qujat: bul úshin kólik quralyn basqarýǵa medısınalyq qarsy kórsetilimderdiń joqtyǵyn rastaıtyn medısınalyq qorytyndy talap etiledi. Jańartylǵan qaǵıdalar 28 qarashadan bastap kúshine enedi.
Aıta keteıik, 23 qarashadan bastap jol qozǵalysy erejelerine taǵy birqatar ózgeris engizildi. Endi eldi mekenderde júk kólikterine arnaıy jyldamdyq shekteýi qoıyldy, al kóriný nashar jaǵdaıda kolonnamen júrý tártibi naqtylandy. Keıbir avtobýs túrlerine aıaldamalarda jolaýshylardy otyrǵyzýǵa jáne túsirýge ruqsat berildi. Sonymen qatar elektrondy jol paraǵyn qoldanýǵa ruqsat berilip, jol belgileri sıfrlandyryldy.
