Foto: istockphoto.com
Ishki ister mınıstrliginiń málimetinshe, alaıaqtar zeınetkerge eseptegishtiń tekserilip, plombalanatynyn aıtyp, 1414 servısinen kelgen kodty aıtýdy suraǵan. Zeınetker kórsetilgen kodty aıtyp, ózinde bir bankte úlken depozıt bar ekenin habarlaǵan. Keıinnen olar zeınetkerge bank atynan qońyraý shalyp, aqshany qaýipsiz shotqa aýdarý qajettigin jetkizedi.
Odan keıin kýrer keletinin, oǵan aqshany berý kerektigin túsindiredi. Zeınetker esh oılanbastan depozıtinen 24 mln teńge alyp, 800 myń teńge komıssııany tólep, úıine oralyp ári qaraıǵy nusqaýlardy kútedi. Artynsha, qurbysyna qonaqqa baryp mán-jaıdy aıtqanda, dosy kúdiktenip, ýchaskelik ınspektorǵa habarlasqan.
«Qazirgi ýaqytta alaıaqtyq deregi boıynsha tergeý bastaldy. Qońyraý shalǵandardyń abonenttik nómirleri anyqtalyp, kúdiktiler izdestirilip jatyr», dedi Pavlodar oblysy PD kıberqylmyspen kúres basqarmasynyń bastyǵy Ashat Abetjanov.
Zeınetkerdiń aıtýynsha, polısııanyń jedel áreketteri men qurbysynyń saqtyǵy arqasynda alaıaqtardan qutylyp ketken.
«Barlyǵy telefon qońyraýynan bastaldy, ári qaraı tús sekildi boldy. Tek polısııanyń jedel áreketteri men qurbymnyń saqtyq kórsetkeniniń arqasynda úlken somany urlatpaı, aqshamdy qaıtarýǵa múmkindik týdy», deıdi Lıdııa Fedorovna.
Polısııa qyzmetkerleri azamattarǵa eshbir memlekettik organ aqshany saqtaý úshin almaıtynyn jáne kýrer jibermeıtinin eskertti.
