Sonymen qatar «Sultan Kamal» JShS 2,5% maılylyqtaǵy aıranǵa 43,2%, «Kadomes JK» 1-sanattaǵy taýyq jumyrtqasyna 25% mólsherinde, al «Er-Aı 2012» JShS qaraqumyq jarmasyna belgilengen shekti deńgeıden 12% joǵary saýda ústemesin belgilegen.
О́ńirge kókónis ónimderin jetkizetin «JK Nadırov» jáne «JK Marsh» saýda jelilerine kartopty ótkizgen kezde saýda ústemesin tıisinshe 5% jáne 20%-ǵa asyrǵan.
Osy zańbuzýshylyqtardyń nátıjesinde Saýda jáne ıntegrasııa mınıstrliginiń Qaraǵandy oblysy boıynsha saýda jáne tutynýshylardyń quqyǵyn qorǵaý departamenti atalǵan sýbektilerdiń barlyǵyn QR ÁQBtK-niń 204-4-baby boıynsha ákimshilik jaýapkershilikke tartty.
Jalpy, oblysta memlekettik baqylaý aıasynda jyl basynan beri 155 saýda sýbektisi ákimshilik jaýapkershilikke tartylǵan. Onyń ishinde 142 sýbekt áleýmettik mańyzy bar azyq-túlik taýarlary boıynsha saýda ústemesin negizsiz arttyrǵan, 10 jaǵdaıda baǵa kórsetkishteriniń sáıkes emestigi anyqtalǵan, 3 sýbekt saýda nysandarynyń jumys reglamentin saqtamaǵan.
Nátıjesinde 40 kásipkerge eskertý berilip, 115 kásipkerge jalpy somasy 5 mln teńgeden astam aıyppul salyndy. Áleýmettik mańyzy bar taýarlardyń baǵasyn negizsiz ósirýge jol bermeý jáne ónimsiz deldaldyq tizbekterdi boldyrmaý maqsatynda oblysta deldaldyq shemalardy tergep-tekserý jónindegi óńirlik komıssııa jumys isteıdi.
