Foto: instagram.com/janibek_alimkhanuly
Uıym bul týraly áleýmettik jelidegi paraqshasynda jarııalady.
«WBO erejelerine sáıkes biz árdaıym adaldyqty, sportshylardyń qaýipsizdigi jáne shynaıy básekelestikti qoldaımyz. Sondyqtan WBO óziniń ishki tergeýin bastaıdy», delingen WBO taratqan habarlamada.
Mundaı tekseris Jánibek Álimhanulynyń kýbalyq Erıslandı Laraǵa qarsy úsh belbeý úshin jekpe-jeginiń aldynda ótkizilgen.
Otandasymyzdyń ózi oqıǵaǵa qatysty pikir bildirip, jańalyqty oqyǵanda tańǵalǵanyn málimdedi.
«Men árqashan taza sport úshin kúreskenmin, barshańyz muny jaqsy bilesizder. Jańalyqty oqyǵanda qatty tańǵaldym. VADA alǵashqy testtiń taza ekenin aıtty. Men eshqandaı dárýmen qabyldaý tártibin ózgertpedim. Ekinshi testte ne bolǵanyn bilmeımin, sondyqtan tolyq qaıta tekserýdi talap ettim», dep jazdy ol óziniń H paraqshasynda.
Jánibek Álimhanulynyń dopıng testinen ótpeı qalǵanyn birinshi bolyp «The Ring magazine» kásipqoı boks basylymy habarlady.
Aıta keteıik, 7 jeltoqsan kúni otandasymyz, kásipqoı boksshy Jánibek Álimhanuly úsh belbeý úshin kýbalyq Erıslandı Laraǵa qarsy tarıhı jekpe-jegin ótkizýi kerek edi. Dál qazir jekpe-jek taǵdyry qyl ústinde tur.
