Ekaterına Aıdova Álem kýbogynda olja saldy

ASTANA. 22 naýryz. Germanııanyń Erfýrt qalasynda ótip jatqan konkı sportynan Álem kýbogynyń fınalynda qazaqstandyq atlet Ekaterına Aıdova qola júldege qol jetkizdi. 500 metrge sozylǵan jarys jolyn ol 38.15 sekýndta júrip ótti. Bul týraly egemen.kz habarlady. Jarys kezinde otandasymyz Nao Kadarı, Kıshı Lı, Karolına Erbanova, Margo Boer syndy tájirıbeli sportshylardy artta qaldyrdy. Bizdiń qyzdyń aldyń eki amerıkalyq konkıshi orap keti. Aıdova chempıon atanǵan Hızer Rıchardsonnan 0.35 sekýnd qalyp qoısa, kúmis júldeger Brıttanı Boýdyń kórsetkishinen márege 0.22 sekýnd keshigip jetti. Osy júldesiniń arqasynda qazaqstandyq sportshy 106 upaıǵa ıe bolyp, 500 metrlik saıys boıynsha Álem kýbogynyń jalpy esebinde 12-satyǵa taban tiredi. Búgin sportshylar 500 metrlik qashyqtyqta ekinshi jarystaryn ótkizedi. О́kinishke qaraı, atalǵan dodaǵa elimizdiń belgili konkıshisi, álem chempıony (Sochı, 2013 j.) Denıs Kýzın densaýlyǵyna baılanysty qatysa almady. Aıta keteıik, qazaqstandyq konkıshiler úshin bul – bıylǵy maýsymdaǵy alǵashqy júlde. Taıaýda Astanada ótken álem chempıonatynda Katıa úsh márte tórtinshi oryn alyp, jalpy nátıje boıynsha da jarysty 4-shi bolyp aıaqtady. Jalpy, konkı sportyn serik etken otandyq atletter Álem kýbogynda jeńis tuǵyryna sońǵy ret 2000-2001 jylǵy maýsymda kóterildi. Táýelsizdik alǵaly tek úsh sportshymyz ǵana atalǵan dodada olja saldy. Olar: Vadım Shakshakbaev (2 altyn jáne bir qola medal), Sergeı Sybenko (bir qola medal) jáne Lıýdmıla Prokasheva (5 kúmis jáne 3 qola medal). Elaman Qońyr. Derek: egemen.kz. Sýret: gazetasporta.com.