Foto: Ulttyq Ulan
Ulttyq ulannyń kınologııa ortalyǵynda týǵan belgııalyq, gollandyq jáne nemis ovcharkalary keleshekte jedel-qyzmettik mindetterge tartylatyn joǵary daıyndyqtan ótedi. Jyl basynan beri ósirilgen 12 kúshik ózge áskerı bólimderge jóneltilgen. Qazir ortalyqta 30-ǵa jýyq jas ıt tárbıelenip jatyr.
«Alǵashqy 45 kúnde kúshikter enesiniń sútimen qorektenedi, keıin qurǵaq azyqqa kóshiriledi. Odan soń olardy qorshaǵan ortaǵa beıimdeý jumysy júrgiziledi. Úsh aı tolǵanda túrli kedergiler alańyna shyǵarylady. Bul kezde olardyń estý daǵdysyn damytý mańyzdy, sondyqtan árqaısyna esim beriledi. Keıin «otyr», «tur», jat» sekildi pármender úıretiledi. Budan keıin tapsyrmalar kúrdelenip, ıis arqyly zat izdeý kezeńine ótedi», dedi kınologııa ortalyǵynyń ofıseri maıor Jantóre Mendıorazov.
Búginde Ulttyq ulanda shamamen myńǵa jýyq qyzmettik ıt bar. Tek bıyldyń ózinde olardyń qatysýymen 120-dan astam quqyqbuzýshylyqtyń joly kesilgen. Kınologııa ortalyǵynda ósip jatqan jańa býyn sol dástúrdi jalǵastyryp, el qaýipsizdigine qyzmet etpek.
