Foto: MQIA baspasóz qyzmeti
Jıyn barysynda bilim berýdegi akademııalyq adaldyqty qamtamasyz etý taqyryby jan-jaqty talqylandy.
Memleket basshysy 2021 jyly Úkimettiń keńeıtilgen otyrysynda joǵary oqý oryndarynda akademııalyq adaldyqty buzý derekterine jáne jemqorlyq kórinisterine jol bergen jaǵdaıda lısenzııadan aıyrýǵa deıingi qatań jaýapkershilik engizýdi tapsyrǵan bolatyn.
Búginde elimizdiń bilim berý salasynda Ádep qundylyqtaryn qalyptastyryp, sybaılas jemqorlyqqa nemquraıdy qaramaýǵa baǵyttalǵan birqatar jumys atqarylyp jatyr.
Forýmǵa qatysýshylar bilim berý salasyndaǵy júıeli jumystar elimizdiń bolashaqtaǵy turaqty damýynyń kepili ekenin basa aıtty.
«Halqymyzda «ne ekseń, sony orasyń» degen ulaǵatty sóz bar. Búgingi kúngi bizdiń árbir isimiz erteńgi qoǵamnyń qandaı bolatynyn anyqtaıdy. Biz qazir bilim berý júıesinde óskeleń urpaqqa qandaı qundylyqtardy sińirsek, erteńgi kúni sonyń jemisin kóremiz. Adal urpaq tárbıelesek, adal qoǵam quramyz. Akademııalyq adaldyq osyndaı durys baǵyt-baǵdardy kózdeıtin utymdy ustanym», Darhan Jazyqbaı.
Is-shara barysynda Memlekettik qyzmet isteri agenttigi, Ǵylym jáne joǵary bilim, Oqý-aǵartý mınıstrlikteri jáne Akademııalyq adaldyq lıgasy arasynda bilim berýde akademııalyq adaldyqty qamtamasyz etý jónindegi memorandýmǵa qol qoıyldy.
Sonymen qatar memorandýmdy iske asyrýdyń 2026-2027 jyldarǵa arnalǵan Jol kartasy bekitildi.
