Foto: instagram.com/akmalsvami/
Tutynýshylar bıletterdi eventticket.kz elektrondy servısi arqyly satyp alǵan, bul elektrondy túrde aqyly qyzmet kórsetý shartynyń jasalǵanyn rastaıdy. Alaıda konsert belgilengen kúni ótkizilmeı, uıymdastyrýshy tutynýshylarǵa bılet qarajatyn qaıtarmaǵan.
О́tinishterdi qaraý qorytyndysy boıynsha Departament tutynýshylardyń quqyqtaryn qorǵaý týraly zańnama talaptarynyń buzylǵanyn anyqtady. Osyǵan baılanysty uıymdastyrýshy – jeke kásipkerge barlyq zardap shekken tutynýshylarǵa bılet qunyn tolyq kólemde qaıtarý týraly resmı habarlama joldandy. Uıymdastyrýshy tutynýshylarǵa 6 mıllıon teńgeden astam qarajat qaıtarýy tıis.
«Eger qarajatty qaıtarý týraly talap oryndalmaǵan jaǵdaıda, departament Qazaqstan Respýblıkasynyń «Tutynýshylardyń quqyqtaryn qorǵaý týraly» zańynyń 5-baby 8-tarmaǵyna sáıkes, satyp alynǵan bıletterdiń aqshasyn qaıtarý máselesi boıynsha sotqa júginedi», dedi Soltústik Qazaqstan oblysy boıynsha Saýda jáne tutynýshylardyń quqyǵyn qorǵaý departamentiniń basshysy Qanat Jeńisbekuly.
Departament jaǵdaıdy baqylaýda ustaıdy jáne tutynýshylardy óz quqyqtary buzylǵan jaǵdaıda jedel túrde habarlasýǵa shaqyrady.
