Foto: Úkimettiń baspasóz qyzmeti
Vıse-mınıstr Úkimet otyrysynda kólik salasyn sıfrlandyrý boıynsha júrgizilip jatqan jumystar týraly baıandady. Minberge kóterilgen Konıashkın baıandamasyn tolyqtaı qazaq tilinde oqyp berip, Úkimet basshysynyń rızashylyǵyn týdyrdy.
«Qazaqsha jaqsy baıandadyńyz, durys, osylaı úırený kerek», dedi Oljas Bektenov.
Rostıslav Konıashkınniń baıandamasyna sáıkes, qazirgi tańda kólik-tranzıt salasyndaǵy barlyq 38 memlekettik qyzmet onlaın formatta kórsetiledi.
2024 jyly qyzmetterdiń 94 paıyzy elektrondy túrde usynylǵan. Vıse-mınıstrdiń aıtýynsha, bul sıfrlyq servısterdiń azamattar men bıznes úshin qolaılylyǵyn dáleldeıdi.
R.Konıashkın qazaq tilin meńgergeni úshin Premer-mınıstrdiń maqtaýyna ıe bolǵan Jasandy ıntellekt mınıstrliginiń alǵashqy ókili emes. Bıyl aqpanda Oljas Bektenov sol kezde Sıfrlyq damý, ınnovasııalar jáne aeroǵarysh ónerkásibi vıse-mınıstri bolǵan (qazirgi jasandy ıntellekt jáne sıfrlyq damý vıse-mınıstri) Dmıtrıı Mýndy qazaq tilinde baıandama jasaǵany úshin maqtap, ony «sózinde turatyn adam» dep ataǵan bolatyn.
