Meksıka restleri rıngtegi urystan keıin qaıtys boldy

ASTANA. 22 naýryz. Keshe Meksıka restleri Perro Agýaıo Ramıres shaıqasta alǵan jaraqaty saldarynan qaıtys boldy. Bul týraly «Gazeta.Ru» habarlady. Insıdent juma kúni, 21-ne qaraǵan túni Tıhýan qalasynda oryn aldy. Osy ýaqytta júrip jatqan erejesiz jekpe-jek kezinde Reı Mıster-kishiniń aıaqpen moınynan urǵan soqqysynan keıin rıngtiń arqanyna qulaǵan Ramıres, naqtyraǵy  Hııo del Perro Agýaıo esinen tanyp qaldy. Basqa da restlerlerdiń qatysýymen ótken keshtegi bul urys referı toqtatqanǵa deıin taǵy eki mınýtqa ǵana sozyldy. Ramıres birden aýrýhanaǵa jetkizildi. Biraq sol boıy esin jınaı almaǵan Ramıres jergilikti ýaqyt boıynsha 1:30 saǵatta qaıtys boldy. Prokýratýra dárigerlik tekserýden keıin restlerliń ólimine onyń moınynan jaraqat alyp, moıyn omyrtqasynyń synyp ketýi  sebep bolǵan degen tujyrym jasady. Osyǵan baılanysty tergeý amaldary qolǵa alyndy. Jasy bıyl 35-ke tolǵan Agýaıonyń 20 jyl boıy restlıngpen shuǵyldanǵan eken. Ol ulttyq chempıonat deńgeıinde birneshe ret jeńimpaz atanǵan. Damır Qojamqul.