Sýret: meros.uz
Úsh kúnge sozylǵan tartysty kezdesýler nátıjesinde jartylaı fınalǵa «Astana», «Pahtakor», «Spartak» jáne elordalyq «Aıbyn» komandalary joldama aldy.
Alǵashqy jartylaı fınalda «Spartak» pen «Pahtakor» jasóspirimderi kúsh synasty. Máskeýlik komanda esep ashqanymen, oıyn sońyna taman óz qaqpasyna gol jiberip aldy. Sheshýshi sát – serııalyq penaltı nátıjesi ózbekstandyq klýbtyń paıdasyna sheshildi. «Spartak» bir soqqydan múlt ketip, fınalǵa beriler joldamany «Pahtakor» utyp aldy.
Ekinshi jartylaı fınalda «Astana» komandasy «Aıbyndy» aıqyn basymdyqpen jeńip, fınalǵa shyqty (3:0).
Astana qalasy ákimdigi, Dene shynyqtyrý jáne sport basqarmasy, Qazaqstan fýtbol federasııasynyń qoldaýymen ótken týrnırdiń sheshýshi oıynynda «Astana» men «Pahtakor» jasóspirimderi sheberlik kórsetti. Qos komanda da bar kúsh-jigerin jumsap, tartysty oıyn órnegin usyndy. Alaıda ózbekstandyq jas fýtbolshylardyń shabýyly nátıjeli bolyp, match 2:0 esebimen «Pahtakordyń» jeńisimen aıaqtaldy.
Úzdik úshtikti «Spartak» komandasy túıindedi.
