Az ýaqyttan keıin telefonǵa qońyraý túsken. Qońyraý soǵýshy – uıaly telefonyn joǵaltyp alǵan jas turǵyn eken. Joǵalǵan zatyn izdep kelgen bozbalanyń shynymen de telefon ıesi ekenine kóz jetkizgennen keıin, áskerı jasaq ony ýchaskelik polısııa pýnktine jetkizip, qajetti qujattardy resmı túrde rásimdep, telefondy ıesine qaıtardy. Áskerı jasaq quramynda top bastyǵy qatardaǵy Vıacheslav Kım jáne patrýldeýshi sarbaz qatardaǵy Aleksandr Ostapenko boldy. Top jetekshisi ózderine júktelgen mindettiń mańyzyn atap ótti.
– Ulttyq ulan sarbazy úshin eń bastysy – tártip pen adaldyq. Biz tabylǵan zatty ıesine qaıtarý arqyly ózimizdiń azamat aldyndaǵy jaýapkershiligimizdi kórsettik. Biz qyzmette óte qyraǵy ári adal bolýymyz kerek, – dedi qatardaǵy Vıacheslav Kım.
Telefon ıesi ulandyq sarbazdarǵa shynaıy alǵysyn bildirip, olardyń adal qyzmetine rızashylyǵyn jetkizdi.
Qyraǵylyq pen ádildik – Ulttyq ulan jaýyngeriniń basty qarýy. Mundaı ıgi ister áskerı qyzmetshilerdiń el aldyndaǵy adal mindetin taǵy bir dáleldeı tústi.
