Foto: Astana qalasynyń ákimdigi
Atap aıtsaq, Almaty aýdanynda 30 ýchaske tazartylyp, shamamen 25 myń tonna qoqys shyǵarylǵan.
Baıqońyr aýdanynda 47 zańsyz qoqys orny joıylyp, 40 myń tonna qaldyq polıgondarǵa jetkizilgen.
Esil aýdanynda 89 zańsyz qoqys orny joıylyp, 150 myń tonnadan astam qoqys shyǵarylǵan.
Saryarqa aýdanynda 19 oryn tazartylyp, shamamen 32 myń tonna qoqys shyǵarylǵan. Atalǵan aýdanda zańsyz qoqys oryndaryn anyqtaý jumystary jalǵasyp jatyr.
Nura aýdanynda 104 orynnan 104 myń tonna qoqys shyǵarylǵan.
Al Saraıshyq aýdanynda 49 zańsyz qoqys orny joıylyp, 50 myń tonna qaldyq polıgondarǵa jetkizilgen.
IKomek júıesi arqyly qurylys alańdarynan qoqysty zańsyz tasymaldaý jáne belgilenbegen jerlerge tógý derekteri anyqtalyp, quqyq qorǵaý organdarymen birlesken reıdtik is-sharalar júrgizilip jatyr.
Osy jyldyń 11 aıynda qoqysty ruqsatsyz tókkeni úshin 43 júk kóliginiń júrgizýshisi ákimshilik jaýapkershilikke tartylyp, jalpy somasy 11 mıllıon teńgeden astam aıyppul salynǵan.
Al abattandyrý talaptaryn buzǵany úshin 31 952 quqyq buzýshy 53 mıllıon 590 myń teńgeden astam aıyppul arqalaǵan.
Qoǵamdyq oryndardy lastaǵany úshin 13 276 adam jaýapqa tartylyp, 446 mıllıon teńge kóleminde aıyppul óndirilgen.
