foto: ashyq derekkóz
Aıta keteıik, zańdy buǵan deıin Májilis qabyldaǵan.
Senator Amangeldi Esbaıdyń aıtýynsha, bul qujat sıfrlyq arhıvti qalyptastyrýdyń quqyqtyq negizderin aıqyndap, Ulttyq arhıv qorynyń quramyn jáne uǵymdyq apparatyn zaman talabyna, onyń ishinde sıfrlandyrý úderisterine sáıkes keńeıtedi. Sondaı-aq aýyldyq eldi mekenderde eńbek etetin arhıv qyzmetkerlerine qosymsha aqy tóleý tártibiniń zańdylyǵyn bekitedi. Buǵan qosa arhıvterge «Ulttyq» mártebe berý quqyǵy aıqyndaldy.
Sonymen qatar depýtat zań biryńǵaı elektrondyq arhıvti qalyptastyrýǵa, qujattardy elektrondyq formatqa kóshirýge jáne salalyq uǵymdardy keńeıtýge múmkindik beredi dep otyr.
Zańdaǵy negizgi jańashyldyqtardyń biri – memlekettik arhıvterge «Ulttyq» mártebeniń berilýi. Bul qadam tarıhı ári mádenı qundylyqtardy saqtaý tetikterin jetildirýge, arhıv mekemeleriniń materıaldyq-tehnıkalyq áleýetin kúsheıtýge, sondaı-aq olardyń qoǵamdaǵy róli men salmaǵyn arttyrýǵa múmkindik beredi.
Onyń aıtýynsha, dástúrli emes jynystyq baǵdardy nasıhattaýdy shekteýge baǵyttalǵan normalar jas urpaqty qoǵamǵa jat qubylystardan qorǵaýǵa, otbasy ınstıtýtyn nyǵaıtýǵa, ulttyq qundylyqtardy qurmetteýge jáne adamgershilik-rýhanı tárbıeni qamtamasyz etýge jaǵdaı jasaıdy.
Jalpylaı alǵanda, engizilip otyrǵan túzetýler arhıv salasy men qujat aınalymyn basqarýdyń qoldanystaǵy júıesin jańartýǵa, azamattardyń áleýmettik quqyqtaryn qorǵaýdy kúsheıtýge ári halyqaralyq standarttarǵa beıimdeýge baǵyttalyp otyr.
Aıta keteıik, Senat «Muraǵat isi jáne quqyqqa qarsy kontenttiń taralýyn shekteý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań jobasyn birinshi oqylymda qoldady.
