Foto: ashyq derekkóz
Kásip ıeleri Qyrǵyzstandaǵy salyq talaptaryn Qazaqstanmen salystyrǵanda áldeqaıda jumsaq dep baǵalaıdy. Ol jaqta jeke kásipker aınalymynyń nebári 1 paıyzy ǵana salyqqa alynady. Qosylǵan qun salyǵy da 12 paıyz deńgeıinde saqtalǵan. Taǵy bir mańyzdy jaıt – bizdegi kompanııalar Qyrǵyzstandaǵy kásipkerlerden alǵan qyzmetin shyǵyn retinde esepke qosa alady. Al el ishinde ońaılatylǵan salyq tártibi birtindep tarylyp barady.
Salyq máselesin zerttep júrgen maman Maksım Baryshev bul úrdisti eskerýsiz qaldyrýǵa bolmaıtynyn aıtady. Onyń pikirinshe, salyqtaǵy qatańdyq kúsheıgen saıyn bıznes balama jol izdeıdi. Jabyq formattaǵy kezdesýlerdiń birinde Qyrǵyzstan men О́zbekstan ókilderi Qazaqstanda qabyldanyp jatqan Salyq kodeksin ózderi úshin «tıimdi múmkindik» retinde qabyldap otyrǵanyn jasyrmaǵan. Sonyń nátıjesinde bul elderge sońǵy aılarda sheteldik kapıtal burynǵydan kóp kele bastaǵan.
Májilis depýtaty Aıtýar Qoshmambetov te osyǵan uqsas jaǵdaıǵa nazar aýdardy. Onyń aıtýynsha, áleýmettik jelilerde shetel azamattaryna Qyrǵyzstanda jeke kásipker tirkeýdi usynatyn jarnamalar jıilep ketken. Depýtat muny kórshi elge bıznes kóshiniń belgisi dep baǵalaıdy.
Mamandardyń paıymdaýynsha, másele bir ǵana salyq mólsherinde emes. Bul – kásipker ózin qaı elde qaýipsiz ári erkin sezinetinine qatysty tańdaý. Al mundaı tańdaý ekonomıkanyń jalpy baǵytyna tikeleı áser etedi.
