Foto: acanalytica.kz
2025 jyl el turǵyndary úshin jańartýlar men tehnologııalyq serpilis jyly retinde este qaldy. Saýalnama nátıjesi kórsetkendeı, qoǵam sporttaǵy, mádenıettegi jetistikterdi jáne qarapaıym azamattardyń erligin joǵary baǵalaıdy.
2025 jyldyń basty tulǵalary
Respondentter «Jyl adamy» kim degen suraqqa jaýap bere otyryp, birinshi kezekte Prezıdent Qasym-Jomart Toqaevty atady. Bul Memleket basshysynyń el ómirindegi basty tulǵa retindegi róline berilgen baǵa.
Odan keıingi oryndarǵa kelesi tulǵalar jaıǵasty:
- «Qaırat» fýtbol klýbynyń oıynshylary;
- Gennadıı Golovkın jáne Dımash Qudaıbergen;
- Uldana Myrzýan (feldsher) jáne Musa Ábdiraıym (Almaty áýejaıynda kepilge alynǵan áıeldi qutqarýshy).
2025 jyly el ómirinde qandaı ózgerister boldy?
Mádenıet pen óner
2025 jyly otandyq kıno óndirisi otbasylyq qundylyqtar men áleýmettik jaýapkershilik taqyryptaryna basymdyq berdi. Jyldyń úzdik fılmderi qataryna «Aýrý», «Ystyq uıa», «Patrýl. Sońǵy buıryq» jáne «Ofsaıd» týyndylary endi.
Mýzyka salasynda Dımash Qudaıbergen men Qaırat Nurtas kósh bastap tur. Sonymen qatar jańa tolqyn ókilderi – Sadraddin, ALEM, «Irına Kaırat» toby, Yenlik, Raim, Moldanazar jáne NINETY ONE tyńdarman iltıpatyna bólendi. Apple Music charttarynda ALEM-niń «Kuiim» jáne Yenlik-tiń «16 Qyz» ánderi álemdik hıttermen ıyq tiresip tur.
Jyl sózderi
Azamattar úshin 2025 jyldyń maǵynasyn ashatyn basty sózder – «Damý», «Sıfrlandyrý» jáne «Jasandy ıntellekt». Bul eldiń tehnologııalyq baǵytqa bet burǵanyn aıqyndaıdy. Sondaı-aq, respondentter «Sáttilik», «Jańarý», «Birlik» jáne «Turaqtylyq» sııaqty pozıtıvti uǵymdardy jıi ataǵan.
2025 jyly el esinde qalǵan 10 mańyzdy oqıǵa
Zertteý boıynsha, halyqtyń basym kópshiligi (89%) merekeni óz úıinde, otbasylyq dastarqan basynda qarsy alýdy josparlap otyr. Bul halyqtyń otbasylyq qundylyqtarǵa adaldyǵyn kórsetedi.
