Tótenshe jaǵdaı departamentiniń málimetinshe, oqıǵa 19 jeltoqsan kúni bolǵan.
«О́rt sóndirýshiler oqıǵa ornyna jedel jetip, turǵyndardy evakýasııalady. Balalar qaýipsiz jerge shyǵaryldy. Zardap shekkender joq», dep habarlady TJD-nyń baspasóz qyzmeti.
Búgin órt shyqqan úıge qala ákimi Marat Júndibaev arnaıy baryp, turǵyndarmen kezdesti.
«Eń bastysy – adam shyǵyny joq. Tótenshe jaǵdaılar qyzmeti shuǵyl áreket etti. Qazir 40 otbasy jaryqsyz otyr. Jańa jyl qarsańy, máseleni bulaı qaldyrýǵa bolmaıdy. Jedel sheshýimiz kerek. Qazir turǵyndar jaqyn týystarynyń úıinde turýǵa nemese úıden tys jerde tamaqtanýǵa májbúr bolyp otyr. Sondyqtan sozbaqqa salmaı, elektr jelisin shuǵyl qalpyna keltirýimiz kerek», dedi ákim.
Birinshi kezekte lıftiniń jumysyn qalpyna keltirip, páterlerdi elektr energııasymen qamtamasyz etý mindeti tur. Ol úshin ýaqytsha kabel tartý máselesi qarastyrylyp jatyr. Odan keıin órttiń shyǵý sebebi anyqtalyp, qaqaǵan aıazda osynshama páterdiń jaryqsyz qalýyna kináli adamdar sotqa tartylady.
Qala ákiminiń aıtýynsha, Tótenshe jaǵdaı qyzmeti 2016 jyly jańa turǵyn úıdi paıdalanýǵa berý jónindegi komıssııa tiziminen shyǵarylǵan.
«2026 jyly órt sóndirý qyzmetin bul tizimge qaıta engizý josparlanyp otyr. Bul – durys sheshim», dedi Marat Júndibaev.
