Foto: malim.kz
Mereke qarsańynda tótenshe jaǵdaıdyń aldyn alý mańyzdy. Sondyqtan shyrshalardy qaýipsizdik talabyna saı ornatyp, otshashýǵa arnalǵan pırotehnıkalyq quraldardy ruqsat etilgen aımaqta qoldaný qajet.
«Shyrshalardy qulamaıtyndaı etip, durystap bekitý kerek. Sonymen qatar evakýasııa kezinde qoldanylatyn shyǵý joldaryna ornatýǵa bolmaıdy. Shyrsha bezendirýge arnalǵan elektrli áshekeı shamdar zaqymdalmaǵan, zaýyttan shyqqan bolý kerek», dedi Ǵabıt Babaev.
Sondaı-aq pırotehnıkalyq quraldardy ashyq aýmaqta ári avtokólik pen ǵımarattardan 50 metr qashyqtyqta qoldaný qajet ekenine nazar aýdardy.
«Saýda oryndarynan pırotehnıkalyq quraldardy satyp alarda muqııat bolyp, syrtyndaǵy nusqaýlyq boıynsha qoldanǵan durys. Turǵyn úılerden alys ashyq alańda paıdalaný kerek. Balalarǵa berýge, jeldi kúni qoldanýǵa, shatyr asty men aǵashtardyń qasynda qoldanýǵa tyıym salynady», dedi Astana qalasy tótenshe jaǵdaılar departamenti memlekettik órt baqylaý basqarmasy basshysynyń orynbasary.
Aıta keteıik, búgin Úkimet basshysy Oljas Bektenov mereke kúnderindegi qaýipsizdik sharalaryn pysyqtap, quqyq buzýshylyqtyń aldyn alý jónindegi vedomstvoaralyq komıssııa otyrysyn ótkizdi.
