О́ZGEGE QURMET — О́ZIŃE QURMET

Ústimizdegi jyldyń naýryz aı­yn­da Eýropa tórindegi Keln qala­synan eki dóńgelekti shaıtan arba­men saparǵa shyqqan Kastan Lıp degen nemis jıhangezi jýyrda Se­meıge kelip jetti. Jolaı  birqatar Eýropa elderin kókteı ótip, bizdiń elimizge atbasyn tiregen ol endi Azııa qurlyǵyn shıyrlap shyqpaq. Jasy jıyrmadan endi asqan jas jigit bul saparǵa eki jyl daıyn­dalypty. Onyń uzaqqa sozy­latyn osy joryǵy qarasha aıynda aıaqtalmaq. Sapar barysynda ol eshqandaı kúı talǵamaı, kóshe boıynda kezik­ken kó­gal­ǵa shatyryn tigip jata ketedi eken. Ony sondaı jaǵdaıda keziktirgen Jo­mart Ýálıev degen jerlesimiz alystan kele jatqan jıhangezdi qoıarda qoımaı qol­­qa­lap, úıine qonaqqa alyp ketedi. Jo­mart munymen de shektelmeı, óz úıin­de jıhangezdiń jergilikti jýr­na­lıs­termen kezdesýine múmkindik jasaıdy. Eýropa aýmaǵynda ornalasqan TMD elderiniń birinde meni álde­kimder tonap ketip edi, al Ortalyq Azııada meılinshe qonaqjaılyqty sezine bastadym, deıdi Kastan Lıp. Jıhangezderdiń halqy­myz­dyń qonaqjaılyǵyna súısinip, jaqsy lebiz bildirgeni bir bul emes qoı. Qalaı bolǵanda da, ózgege qurmet – ózińe de qurmet ekenin umytpa­ǵa­ny­myz lázim. Al onyń ar jaǵynda sen arqyly halqyńa ońdy baǵa berilip jatatyny jáne bar. Dáýlet SEISENULY, SEMEI. ASTANADA BOLYP QAITTY Astana kúnine oraı jýyrda Semeı­degi Shákárim atyndaǵy №5 jáne №16 mekteptiń bir top oqý­shy-ustazdary Arqa tósindegi arý qalada bolyp qaıt­ty. Úsh kúnge so­zyl­ǵan bul saparda olar elimizdiń Tuńǵysh Prezıdentiniń mura­jaıyn­da, respýblıka Parlamenti úıinde bolyp, Astananyń basqa da kórikti jerlerin aralady. Olardyń barlyq jol shyǵynyn respýblıka Parlamenti Májilisi­niń depýtaty, esimi elimizge málim mesenat Nurtaı Sabılıanov kóte­rip aldy. Dáýlet SEISENULY, SEMEI.