Bul áýlettiń shahtadaǵy eńbek joly ótken ǵasyrdyń 1950-jyldarynan bastaý alady. Búginde Volokıtınder áýletiniń úshinshi býyny ken óndirisinde eńbek etip keledi. Áýlettiń jalpy eńbek ótili 350 jyldan asady. Otbasynyń 12 múshesi jumysshy mamandyqtaryn tańdaǵan. Olardyń qatarynda elektrslesarlar, montajshylar, uńǵymashylar, tabelshiler, qaýipsizdik dıspetcherleri men taý-ken sheberleri bar.
Qazirgi tańda Qarmet kompanııasyna qarasty Lenın atyndaǵy shahtada bir mezette áýlettiń bes ókili qyzmet atqarýda.
Volokıtınder áýleti týǵan qalasy Shahtınskide birneshe márte «Jyl shahteri» syılyǵyna ıe bolǵan. Sonymen qatar otbasy oblystyq «Mereıli otbasy» baıqaýynyń jeńimpazy atanǵan.
