Foto: dimashnews.com
Bıyl Dımash «ÓČKO CHART» hıt-sherýine «Love Is Not Over Yet» lırıkalyq kompozısııasymen jáne «Taý ishinde» atty ánimen usynyldy. Daýys berý qorytyndysy boıynsha «Love Is Not Over Yet» týyndysy tyńdarmandardyń eń kóp daýysyn jınap, ánshige jeńis syılady.
Aıta keteıik, Dımash 2024 jyly Chehııadaǵy marapattaý rásimine qatysyp, «Together» jáne «When I’ve Got You» ánderimen 2023 jáne 2024 jyldardyń úzdigi atanǵan edi. Sodan beri onyń mýzykasy «Óčko» telearnasynda turaqty túrde kórsetilip keledi.
Dımash Qudaıbergen Halyqaralyq kóshi-qon uıymynyń jahandyq izgi nıet elshisi atandy
DimashNews málimetinshe, Dımashtyń bul jetistigine álemniń túkpir-túkpirindegi jankúıerleriniń, ásirese chehııalyq «Dears» qaýymdastyǵynyń belsendiligi úlken áser etti. Nátıjesinde biregeı kórsetkish tirkeldi: Dımash «ÓČKO CHART» tarıhynda daýys berý kezeńiniń barlyq aptasynda qatarynan jeńiske jetken jáne eshkimge des bermegen jalǵyz oryndaýshy retinde qaldy. Uıymdastyrýshylar aldaǵy ýaqytta ánshiniń Pragaǵa kelip, «TV Óčko» stýdııasynda marapatty óz qolymen alǵanyn qalaıtynyn jetkizdi.
Dımash Qudaıbergen medısına ýnıversıtetiniń qurmetti professory atandy
«TV Óčko» telearnasynyń marketıng dırektory Mıhal Krjıjek ártispen jumys isteý tájirıbesi týraly oıymen bólisti. Ol Dımashtyń kásibı deńgeıi men adamı bolmysyna joǵary baǵa berdi.
«Juldyzdyń deńgeıi neǵurlym joǵary bolǵan saıyn, onyń qarapaıymdylyǵy da soǵurlym arta túsedi degen sezimdemin. «ÓČKO» arnasynda bul qaǵıda san márte dáleldendi», dep jazdy ol.
