Memleket basshysynyń Abaı oblysyn qurý týraly sheshimi óńirge úlken múmkindik bergeni ras. Búginde óńirdegi kóptegen óndiris oryndary qaıta jandana bastady. Jańadan iske qosylǵan óndiristik jeli – Eýrazııalyq ekonomıkalyq odaq pen Ortalyq Azııa keńistiginde halyqaralyq «Tetra Pak» standarttary boıynsha sertıfıkattalǵan qaptama materıaldaryn shyǵaratyn jalǵyz keshen. Jobanyń jalpy ınvestısııalyq quny – 6 mlrd teńge.
Jańa jeli 20-ǵa jýyq turaqty jumys ornyn ashýǵa múmkindik bermek. Sehtiń jobalyq qýaty aıyna 25 mln dana qaptamany quraıdy. Bıyl kompanııa óndiristik qýattardy jańartýda aýqymdy modernızasııany aıaqtaǵan. Eýropalyq standarttarǵa sáıkes zamanaýı jabdyqtar satyp alynyp, ornatylypty. Bul óndiris kólemin shamamen tórt ese arttyrýǵa jáne tapsyrystardy jedel oryndaýǵa bolady degen sóz.
Kásiporyn Ortalyq Azııada kóptegen qaptama materıaldary túrlerin óndiredi jáne el aýmaǵyndaǵy suranysty tolyq qamtamasyz etedi. «Kazpolıgraf» JShS óndiretin karton qaptama ónimderiniń 30 paıyzy Reseıge, Qyrǵyzstanǵa, О́zbekstanǵa jáne basqa da naryqtarǵa eksporttalady. Kásiporynnyń óndiristik qýaty jylyna 30 myń tonna qaǵaz jáne karton qaptamasyn, 2 myń tonna jabyndy qaǵazdy, 1,5 myń tonna polımerlik plenkadan jasalǵan qaptama buıymdaryn jáne 1 myń tonna basqa qaǵaz ben karton túrlerinen óndiriletin syǵymdalǵan ónimderdi jasaýǵa qaýqarly. О́ndiriste 700-ge jýyq adam eńbek etedi.
О́ndiristik jeliniń ashylý saltanatynda sóz sóılegen aımaq basshysy Berik Ýálı jańa zaýyt óńirdiń ındýstrııalyq damýyna, eksporttyq múmkindikterdiń keńeıýine jáne óndiristiń ınnovasııalyq deńgeıiniń artýyna baǵyttalǵan naqty qadam ekenin aıtty.
«Kazpolıgraf» kompanııasy jańa ınvestısııalyq jobalardy júzege asyryp, óńirde jańa jumys oryndarynyń ashylýyna aıtarlyqtaı úles qosyp keledi. Búgingi oqıǵa – tek jańa óndiristik jeliniń iske qosylýy ǵana emes, óńirimizdiń ındýstrııalyq damýyna, eksporttyq múmkindikterdiń keńeıýine jáne óndiristiń ınnovasııalyq deńgeıiniń artýyna baǵyttalǵan naqty qadam», dedi oblys ákimi.
Bıyl óńirde óndiris salasy qarqyndy damyp keledi. Máselen, «Qazaq Astyq Group» JShS 2026 jyldyń birinshi toqsanynda jylyna 72 myń tonna tazartylǵan kúnbaǵys maıyn óndiretin zaýytty iske qosýdy josparlap otyr.
Al Jańasemeı aýdanynda iri qara, qoı jáne jylqy etin óńdeıtin et kombınatynyń qurylysy júrip jatyr. Sonymen qatar 2028 jylǵa deıin jylyna 250 myń dana teri óńdeıtin «Eastern Protein» JShS kásiporny men jylyna 36 myń tonna sútti qaıta óńdeıtin «Ertis О́nimderi» JShS zaýyty iske qosylmaq. Buǵan qosa, maıly daqyldardy qaıta óńdeýge baǵyttalǵan úsh agrojoba júzege asyrylady dep josparlanyp otyr.
Abaı oblysy
