Josparǵa sáıkes, kelesi jyldan bastap otshashý qoldaný tek arnaıy shoýlardy uıymdastyratyn kásibı mamandarǵa ǵana ruqsat etiledi. Al qarapaıym azamattarǵa tolyqtaı tyıym salynady.
Quqyq qorǵaý organdary mundaı sheshimge sebep jetkilikti ekenin aıtady. Keıingi jyldary Nıderlandyda zańsyz aınalym birneshe ese artqan. Polısııanyń dereginshe, jeltoqsan aıynyń ortasyna qaraı 65 tonnadan astam zańsyz pırotehnıkalyq buıym tárkilengen.
Zardap shekkender sany da kóbeıgen. Qarasha aıynan jeltoqsannyń ortasyna deıin 10 jasóspirimniń qolyna ampýtasııa jasaýǵa týra kelgen.
Tyıym salý bastamasyn qoǵamnyń basym bóligi qoldap otyr. I&O Research júrgizgen saýalnamaǵa sáıkes, el turǵyndarynyń 62%-y jeke pırotehnıkadan tolyq bas tartýdy qoldaıdy.
Aıta ketý kerek, mereke qarsańynda otshashýǵa degen qyzyǵýshylyq Qazaqstanda da artyp otyr. Sarapshy dereginshe, Qazaqstan otshashýdy eń kóp qarasha men jeltoqsan aılarynda, ıaǵnı, jańa jylǵa 2 aı qalǵanda jappaı ımporttaıdy. Keıingi 5 jylda negizgi ımporttaýshy elder Qytaı, Reseı, Qyrǵyzstan bolǵan. Alaıda 2024 jyldan bastap kórshi elden ımport tolyq toqtatylǵan.
