Foto: Erlan Omar
Salyqtyq shegerimder: Medısına, oqý jáne ıpoteka
Jeke tulǵalar 2025 jylǵa arnalǵan JTS-ty esepteý kezinde medısınalyq qyzmetterge, oqýǵa jáne ıpotekalyq qaryzdar boıynsha syıaqy tóleýge jumsalatyn josparlanǵan shyǵystardy qamtıtyn aldyn ala somany qoldanýǵa quqyly.
- Eń joǵary mólsher – 282 AEK (1 219 650 teńge).
- Jumys berýshige ótinish berý qajet. Sondaı-aq 2026 jylǵy 15 qyrkúıekten keshiktirmeı rastaıtyn qujattarmen birge deklarasııa (270.00-nysan) tapsyrylýy tıis.
Jańa Salyq kodeksi kúshine ense oqý aqysy qymbattaýy múmkin be?
Kópbalaly otbasylarǵa jeńildikter
18 jasqa tolmaǵan tórt jáne odan da kóp balasy bar otbasylar úshin 282 AEK mólsherinde salyqtyq shegerim kózdelgen. Árbir ata-anaǵa aı saıyn 11,75 AEK (50 794 teńge) nemese oladyń birine aı saıyn 23,5 AEK (101 488 teńge) mólsherinde qoldanylýy múmkin.
Birjolǵy zeınetaqy tólemderin salyqtan bosatý
2026 jylǵy 1 qańtardan bastap júzege asyrylatyn birjolǵy zeınetaqy tólemderi JTS-tan tolyq bosatylady. Bul jeńildik buryn alynǵan jáne salyǵyn 16 jylǵa deıin bólip tóleýdi tańdaǵan tólemderge de qatysty qoldanylady.
Múliktik tabys jáne ıelik etý merzimi
2026 jylǵy 1 qańtardan bastap jyljymaıtyn múlikti satý kezinde múliktik tabys tek oǵan eki jyldan astam ıelik etken jaǵdaıda ǵana týyndaıdy.
- 2026 jylǵa deıin satyp alynǵan múlikke burynǵy bir jyldyq merzim saqtalady.
- Tabys alynǵan jyldan keıingi jyldyń 15 qyrkúıegine deıin tapsyrylyp, salyq 25 qyrkúıekten keshiktirilmeı tólenýi tıis.
Baǵaly qaǵazdardy ótkizý
Qun ósiminen alynatyn tabys árbir operasııa boıynsha oń jáne teris nátıjelerdi jıyntyqtaý arqyly esepteledi. Baǵaly qaǵazdardy esepten shyǵarý hronologııalyq tártippen júredi, al brokerlik syıaqy bastapqy qunǵa engizilip, salyq salynatyn tabysty azaıtýǵa múmkindik beredi.
1 qańtardan bastap salyq reformasy kúshine enedi. Bazardaǵy baǵa sharyqtaýy yqtımal
