Álem • 02 Qańtar, 2026

Pırotehnıkanyń zardaby: Jańa jyl túni Italııada 280-nen astam adam aýrýhanaǵa tústi

30 ret

kórsetildi

1 mın

oqý úshin

Italııada 31 jeltoqsannan 1 qańtarǵa qaraǵan túni merekelik pırotehnıkany qoldanýdyń sońy qaıǵyly jaǵdaılarǵa ulasty. Tártip saqshylary men dárigerlerdiń málimetinshe, jarylystar saldarynan bir adam ajal qushyp, júzdegen turǵyn túrli deńgeıdegi jaraqat alǵan, dep habarlaıdy Egemen.kz.

Qyrmyzy JUMAǴALIQYZY

Pırotehnıkanyń zardaby: Jańa jyl túni Italııada 280-nen astam adam aýrýhanaǵa tústi

Foto: istockphoto.com

Resmı derekterge súıensek, mereke túni pırotehnıkalyq buıymdardyń aqaýy men abaısyz qoldaný saldarynan 283 adam zardap shekken. Eń ókinishtisi, el astanasy Rım qalasynda 63 jastaǵy er adam sapasyz pırotehnıkanyń jarylýynan oqıǵa ornynda kóz jumdy.

Jaraqat alǵandardyń jaı-kúıi de alańdatarlyq:

54 adam aýyr jaraqattarmen aýrýhanaǵa jatqyzyldy.
Zardap shekkenderdiń arasynda 68 kámeletke tolmaǵan bala bar.

Dese de Italııanyń Ishki ister mınıstrligi bıylǵy kórsetkishtiń ótken jylmen salystyrǵanda sál de bolsa tómendegenin atap ótti. Máselen, ótken jylǵy merekede jaraqat alǵandar sany 309 adamǵa jetken bolatyn.