2025 jyly qytaılyq BYD kompanııasy rekordtyq kólemde 2,26 mln elektromobıl satty. Al Tesla sol jyly 1,64 mln kólik jetkizgenin málimdedi. Bul kórsetkish aldyńǵy jylmen salystyrǵanda 9 paıyzǵa tómen. Osylaısha, Tesla satylym kólemi boıynsha ekinshi jyl qatarynan quldyraý kórsetip otyr.
Sarapshylar kompanııanyń qıyn jyldy bastan ótkerýine Tesla bas dırektory Ilon Masktiń saıası belsendiligine qatysty alańdaýshylyq pen sheteldik naryqtardaǵy qatań básekeniń áser etkenin atap ótedi.
Al BYD 2025 jyly 2,26 mln elektromobıl satý arqyly álemdegi eń iri elektromobıl óndirýshi kompanııaǵa aınaldy.
Sonymen birge ınvestorlar Ilon Masktiń ambısııalyq josparlaryna úmit artyp otyr. Atap aıtqanda, ol Tesla-ny robotaksı qyzmetteri salasynda kóshbasshy etýge jáne turmysta ári keńselerde qarapaıym mindetterdi oryndaı alatyn adam beınesindegi robottardy tutynýshylarǵa usynýǵa nıetti.
Aıta keteıik, 2025 jyldyń qyrkúıek aıynda Tesla dırektorlar keńesi Ilon Maskke korporasııalar tarıhyndaǵy eń iri syıaqy paketin usyndy. Onyń kólemi 1 trln dollardy quraıdy.
