Týysqan elge – áskerı-tehnıkalyq kómek

Astanada Qazaqstan Respýblıkasynyń Qorǵanys mınıstri Imanǵalı Tasmaǵambetovtiń Qyrǵyz Respýblıkasy qorǵanys vedomstvosynyń basshysy Ábıbıllá Qudaıberdıevpen kezdesýi ótti. «Táýelsizdik alǵannan bastap elimizdiń arasyn­daǵy ekijaqty qarym-qatynastar dostyq pen yntymaqtastyq rýhynda damyp keledi. Elimizdiń arasynda ózara is-qımyldyń qamtylmaǵan salalary qalǵan joq, sonyń aıǵaǵy retinde saıası, ekonomıkalyq, mádenı jáne áskerı salalardaǵy belsendi únqatysýlar bolyp tabylady. Memleket basshysy Nursultan Nazarbaev bizdiń óńirdegi turaq­tylyq pen qaýipsizdikti qamtamasyz etý máselelerine basymdyq mán beredi. Osyny negizge ala otyryp, Aýǵanstandaǵy jáne irgeles ornalasqan aýmaqtardyń jaýyngerlik is-qımyldarynda negizdelgen shetel memleketteriniń jaýyngerlik daıarlyq tájirıbesin zerdeleı otyryp, ózimizdiń Qarýly Kúshterimizdi nyǵaı­týǵa barynsha kúsh-jiger salyp jatyrmyz», – dedi Qazaqstannyń Qorǵanys mınıstri Imanǵalı Tasma­ǵambetov. Ekijaqty nemese ortalyqazııalyq birlesken oqý-jattyǵýlardy ártúrli ssenarııler boıynsha ótkizý múmkindigin qarastyrýdy maqsatqa sáıkes dep oılaımyn. Sonymen qatar, bizdiń Qarýly Kúshterdiń jedel úılesimdiligin arttyratyn taýly-ormandy jerlerde jaýyngerlik is-qımyldardy júrgizý múmkindikterin, zańsyz qarýlanǵan quralymdarmen kúresý túrleri men ádisterin zerdeleı otyryp, jaýyngerlik daıarlyq aıasynda tájirıbe almasý maqsatynda bizdiń sarapshylardyń kezdesýin ótkizýdi usynamyn», – dep Imanǵalı Tasmaǵambetov atap ótti. Qyrǵyzstan aýmaǵynyń 15 paıyzy taýly jerler. Jáne sáıkesinshe bul máselede tájirıbelerińiz mol. Qazaqstandaǵy taýly aýmaq – 10%, biraq, sonyń ózinde jaýyngerlik is-qımyldar ótetin memleketterdiń aýmaǵymen irgeles. Sondyqtan tájirıbeni zerdeleý jáne bizdiń bólimshelerdi daıyndaý biz úshin óte mańyzdy. Taýly-ormandy jerlerde jaýyngerlik daıarlyq aıasynda tájirıbe almasý óte mańyzdy aspekt», – dep Imanǵalı Tasmaǵambetov atap ótti. Odan basqa, Qazaqstan Respýblıkasynyń Qor­ǵanys mınıstri Qazaqstandaǵy jaýyngerlik daıarlyq kýrstarynda qyrǵyz áskerı qyzmetshilerin daıarlaý máse­lesi aıaqtalý kezeńinde turǵanyn habarlady. Jyl­dyń sońyna deıin kelisimshartqa Bas shtab bastyq­tarynyń orynbasarlary deńgeıinde qol qoıy­la­tyny jáne 2016 jyldan bastap Qazaqstanda qyrǵyz áskerı qyzmetshilerin daıyndaý bastalatyny josparlanýda. Sóz sońynda qorǵanys vedomstvolarynyń basshy­- ­lary Qyrǵyz Respýblıkasyna aqysyz áskerı-teh­­­nı­­kalyq kómek kórsetý týraly kelisimge qol qoıdy. Qazirgi ýaqytta Qazaqstan Respýblıkasy Qor­ǵanys mınıstrliginiń áskerı oqý oryndarynda Qyrǵyz Respýblıkasynyń 64 áskerı qyzmetshisi daıyn­dyqtan ótip jatqanyn atap ótken jón. Onyń 2-ýi – ofıser-tyńdaýshy, 62-si – kýrsant. 1998 jyldan bastap 2015 jylǵa deıin Qazaqstan Qorǵanys mınıstrliginiń áskerı oqý oryndarynda barlyǵy Qyrǵyzstan Qarýly Kúshteriniń 186 áskerı qyzmetshisi bilim aldy. Olardyń 29-y – ofıser-tyńdaýshy, 157-si – kýrsant. «Egemen-aqparat».