Oqıǵa 7 qańtarda brakonerlikke reıdtik is-sharany júrgizý kezinde bolǵan.
«Memlekettik ınspektorlardyń qyzmettik kvadrosıklmen abaısyzda ózen sýyna túsip ketý faktisi tirkeldi. Qyzmettik mindetin atqaryp júrgen ınspektorlar tıisti qaýipsizdik qural-jabdyqtarymen, qutqarý jıletimen qamtamasyz etilgendikten, der kezinde qaýipsiz jerge shyqty. Olardyń ómiri men densaýlyǵyna eshqandaı zııan keltirilgen joq», dep habardar etti ınspeksııadan.
Atalǵan oqıǵaǵa baılanysty tıisti qyzmetter habardar etilgen. Al qyzmettik tehnıkany sýdan shyǵarý, tehnıkalyq jaı-kúıin anyqtaý boıynsha jumys qolǵa alynǵan.
«Oqıǵanyń mán-jaıy anyqtalady. Qoldanystaǵy zańnamaǵa sáıkes tıisti sharalar qabyldanatyn bolady», dep málimdedi atalǵan ınspeksııadan.
