Megapolıs neırohırýrgtary Qytaı mamanynyń qatysýymen jambas múshesinde kemistigi bar 15, 17 jastaǵy eki jasóspirimge kúrdeli operasııany sátimen atqardy.
Bul pasıentter omyrtqa julynynda týabitti kesel bar ekendigin bildiretin «spina bifida» dıagnozymen dúnıege kelgen. Dúnıejúzilik densaýlyq saqtaý uıymynyń málimetine súıensek, spina bifida julyn aýrýy jańa týǵan árbir myń náresteniń 1-2-ýinde ǵana kezdesedi.
BUU: Densaýlyq saqtaýǵa ınvestısııa salynbasa, budan da joıqyn pandemııaǵa tap bolamyz
Osy oraıda №2 BQKA dırektory Marat Rabandııarov mundaı aýyr dıagnoz aıaqtardyń álsizdigimen, salmaq túskende udaıy aýyrtyp, kishi dáret pen úlken dárettiń aıtarlyqtaı buzylýymen qatar júretinin aıtady.
Mundaı jaǵdaıda balalar óz qatarlastary sııaqty júgirip, shapqylap oınaı almaıtyndyqtan, sportpen shuǵyldanýyn shektep, áleýmettik, psıhologııalyq turǵyda da kisikıik kúıge túsiredi. Oǵan qosa konservatıvti em-dom tıimdi nátıje bermeıtindikten, qazirgi medısına sakraldy neırostımýlıasııa ornatýǵa – hırýrgııalyq jolmen emdeý ádisine júginedi.
Sonymen otandyq medısına tarıhyndaǵy kúrdeli operasııa kezinde jas naýqastardyń segizkózine №2 BQKA neırohırýrgtary Danııar Sabdenalıev, Azamat Jaılganov, Roza Tansarova men anestezıolog-dáriger Jandos Sholahovtar qytaılyq professor Gýan Iýınhýeımen birge sakraldy stımýlıatordy sátimen qoıdy.
Densaýlyq saqtaý salasynyń úzdik 7 kórsetkishi ataldyDensaýlyq saqtaý salasynyń úzdik 7 kórsetkishi ataldy
Naýqastardy irikteý men stımýlıatordyń jumysyn súıemeldep, baptaý jumysyn atqarǵan nevropatolog-neırofızıolog Gúlnur Qasenova aıtýynsha, otadan keıingi naýqastardyń densaýlyǵynda oń ózgerister júrip, zár shyǵarý qyzmetiniń jaqsarǵany baıqalǵan.
Qazirgi tańda álemniń jetekshi klınıkalary keńinen qoldanylatyn bul ádisti megapolıstegi iri balalar aýrýhanasynyń biriniń qolǵa alýy otandyq densaýlyq saqtaý salasyndaǵy aıtýly oqıǵa ekendigin joqqa shyǵarýǵa bolmaıdy. Jáne osyndaı hırýrgııalyq kómekke muqtaj balalardyń el qataryna qosylýyna jol ashady.
Joǵary tehnologııalyq otalar balalarǵa mindetti áleýmettik medısınalyq saqtandyrý sheńberinde júrgizildi. Elimizdegi barsha balalar MÁMS júıesinde memleket tarapynan saqtandyrylǵanyn eske sala keteıik.
ALMATY
