Aıda Balaeva quttyqtaý sózinde teatrdyń ǵasyrlyq shejiresin basa aıtyp, ult rýhanııatyna eresen eńbek sińirip jatqanyn atap ótti.
«Qazaq rýhanııatynyń qara shańyraǵy – Muhtar Áýezov atyndaǵy Ulttyq drama teatrynyń 100 jyldyq mereıtoıymen barshańyzdy quttyqtaımyn! Ǵasyr buryn «Eńlik-Kebekpen» ashylǵan qasıetti shymyldyq sodan beri talaı dáýirdi artqa tastap, ulttyń taǵdyrly kezeńderin, arman-muratyn sahna tilimen sóıletip keledi», dedi mınıstr.
Sonymen qatar ujymnyń klassıkalyq qoıylymdary men álemdik deńgeıdegi jetistikterine toqtaldy.
«Kıeli sahnada qazaq dramatýrgııasynyń injý-marjanyna aınalǵan «Abaı», «Qobylandy», «Qaragóz», «Aıman – Sholpan» jáne ózge de týyndylar sahnalandy. О́ner oshaǵy Almatyǵa qonys aýdaryp, 1937 jyly akademııalyq mártebe aldy, keıin oǵan Muhtar Áýezovtiń esimi berildi. Búginde «Ulttyq» mártebege ıe teatr álemdik mádenı keńistikke batyl qadam jasap keledi. Teatr búginde ult ónerin órkendetip, dástúr sabaqtastyǵyn saqtap, úlken shyǵarmashylyq orda qalyptastyryp otyr. Teatr ujymyna zor densaýlyq, shyǵarmashylyq shabyt, óner jolynda jańa jetistikter tileımin!», dedi Aıda Balaeva.
Eske salaıyq, «Egemen Qazaqstan» gazetiniń búgingi sanynda «Ult teatrynyń tuńǵysh qoıylymy» atty maqala jaryq kórdi.
