Foto: gov.kz
Qostanaı qalasynda aýa temperatýrasy -30 gradýsqa deıin tómendep, jeldiń jyldamdyǵy sekýndyna 5 metrdi qurap otyr. Osyǵan baılanysty mektepke deıingi daıarlyq synybyn qosa alǵanda birinshi aýysymdaǵy 1-11-synyp oqýshylary qashyqtan oqytý formatyna aýystyrylady.
Qarabalyq aýdanynda aýa temperatýrasy -32 gradýsqa deıin tómendep, jeldiń jyldamdyǵy sekýndyna 16 metrge jetken. Atalǵan aýdanda da 0-synyp pen 1-11-synyp oqýshylarynyń birinshi aýysymy qashyqtan oqytýǵa kóshiriledi.
Beıimbet Maılın aýdanyndaǵy barlyq mektep (1-11-synyptar) qashyqtan oqytý formatyna kóshirildi. Aımaqta aýa temperatýrasy -33 gradýsqa deıin tómendegen.
Rýdnyı qalasynda qolaısyz aýa raıy jaǵdaılaryna baılanysty birinshi aýysymdaǵy 0-9-synyp oqýshylardyń sabaqtary onlaın formatta ótedi.
Sondaı-aq búgin Aqtóbe qalasynda da 1-11-synyp oqýshylary qashyqtan oqytý formatyna kóshirildi.
15 qańtar kúni Astana qalasynyń mektep oqýshylary aýa temperatýrasynyń tómendeýine baılanysty tolyqtaı qashyqtan oqytý formatyna kóshirilgen edi.
Sınoptıkterdiń málimetinshe, aldaǵy kúnderi el aýmaǵyndaǵy barlyq óńirlerde aýa temperatýrasy tómendeıdi.
