«Qazaqstan Respýblıkasynyń Bas prokýratýrasy men Qarjylyq monıtorıng agenttiginiń qyzmetkerleri Qazaqstannyń Grýzııadaǵy elshiliginiń qoldaýymen atalǵan elden ekonomıkalyq qyzmet salasyndaǵy aýyr qylmys jasaǵany úshin qylmystyq jaýapkershilikke tartý maqsatynda Qazaqstan azamatyn ekstradısııalady», delingen Bas prokýratýranyń habarlamasynda.
Qadaǵalaý organynyń málimetinshe, kúdikti Astanada World Business Consulting qarjy pıramıdasynyń qurylymyn basqarǵan. Bul uıymnyń bólimsheleri 2018-2022 jyldar aralyǵynda Qazaqstannyń túrli óńirlerinde azamattarǵa joǵary tabys ýáde etip, zańsyz túrde 6,5 mlrd teńgeden astam qarajat tartqan.
«Qylmys jasaǵannan keıin kúdikti boı tasalap, halyqaralyq izdeýge jarııalandy. 2025 jylǵy qarashada ol Grýzııa aýmaǵynda ustalyp, Qazaqstan Respýblıkasynyń Bas prokýratýrasynyń suraýy boıynsha elge ekstradısııalandy. Qazirgi ýaqytta kúdikti tergeý ızolıatoryna qamaldy», dep habarlady Bas prokýratýranyń baspasóz qyzmeti.
Bas prokýratýrada atalǵan qylmys úshin múlkin tárkileı otyryp, 12 jylǵa deıin bas bostandyǵynan aıyrý jazasy kózdelgenin naqtylady.
Sondaı-aq bul qylmystyq uıymnyń birqatar sybaılasy buǵan deıin naqty merzimge bas bostandyǵynan aıyrylǵany aıtyldy.
Ýkraına iri alaıaqtyq jasady degen kúdiktini Qazaqstanǵa ekstradısııalady
Aıta keteıik, Bas prokýratýra asa iri mólsherde birneshe ret alaıaqtyq jasaǵany úshin qylmystyq jaýaptylyqqa tartý maqsatynda Qazaqstan azamatyn Reseı Federasııasynan ekstradısııalaǵan edi.
