Kollajdy jasaǵan Qonysbaı ShEJIMBAI, «EQ»
Prezıdenttiń aıtýynsha, sońǵy ýaqytta onyń atyna jekemenshik mektepterdi qarjylandyrý mehanızmine qatysty azamattardan túsetin saýaldar jıilegen. Memleket basshysy bul máselege qatysty óz ustanymyn jaqynda «Turkistan» gazetine bergen suhbatynda da bildirgen bolatyn.
Mindetti medısınalyq saqtandyrý qory nege Qarjy mınıstrligine berildi?
Jekemenshik mektepterge júrgizilgen aýdıt qorytyndysy boıynsha jan basyna shaqqandaǵy qarjylandyrý ádistemesiniń kemelsizdiginen zańsyz ári negizsiz shyǵyndarǵa jol berilgeni anyqtaldy. Osyǵan baılanysty Memleket basshysy Úkimetke bilim berý salasyn memlekettik qarjylandyrý tetigin shuǵyl reformalaý mindetin júktedi.
«Úkimettiń aldyna bilim berý salasyn memlekettik qarjylandyrý tetigin shuǵyl reformalaý mindeti qoıyldy. Qarjylandyrýdyń naqty krıterıılerin qalyptastyrý qajet. Bul rette orta bilim berý júıesin damytýdaǵy bıznestiń oń rólin eskerý kerek», dedi Qasym-Jomart Toqaev.
Esterińizge sala keteıik, búgin Ulttyq quryltaıdyń V otyrysy ótti. Memleket basshysy jańa Parlamenttiń ataýyn «Quryltaı» dep ataýdy usyndy.
