Mınıstrdiń aıtýynsha, 16 jasqa tolmaǵan azamattardyń áleýmettik jelilerde óz betinshe tirkelýine tyıym salýdy kózdeıtin quqyqtyq normalar ázirlendi. Bul erejeler onlaın-platformalar men BAQ týraly zań jobalaryna engizilip, qazirgi tańda qoǵamdyq talqylaýǵa usynylǵan.
Aýstralııada balalar 16-ǵa tolǵansha áleýmettik jelini qoldana almaıdy
Bul talaptyń oryndalýyn qadaǵalaý úshin Mádenıet jáne aqparat mınıstrligi Oqý-aǵartý, Sıfrlyq damý jáne jasandy ıntellekt mınıstrlikterimen tize qosa qımyldamaq. Mamandar paıdalanýshylardyń naqty jasyn anyqtaıtyn arnaıy tehnologııalyq mehanızmderdi jasap, qajet bolsa talapty buzǵandarǵa qatysty jaýapkershilik máselesin qarastyrady.
«Halyqtyń medıasaýattylyǵyn arttyrýǵa jáne táýelsiz BAQ-ty qoldaýǵa erekshe nazar aýdarylady. Bul baǵytta salalyq jýrnalıstıkany damytý komıssııasy jáne basqa da tetikter arqyly tıisti jumystar júrgizilýde. Sondaı-aq onlaın-platformalar men BAQ arasyndaǵy jarnama bólý jáne keıbir taýarlardy jarnamalaýǵa tyıymdy ishinara alyp tastaý múmkindikteri zańnamalyq turǵydan qarastyrylady», dedi Aıda Balaeva.
Qazaqstanda balalarǵa áleýmettik jelige tirkelýge shekteý engizilýi múmkin
