Qoǵam • 22 Qańtar, 2026

Qasaqana bankrottyq jarııalaǵan kompanııalar kóbeıdi: 44 qylmystyq is qozǵaldy

20 ret

kórsetildi

1 mın

oqý úshin

Memlekettik kirister komıteti qasaqana bankrot bolǵan kompanııalar sany artqanyn habarlady. Iаǵnı, kompanııalardyń qaryzdan ádeıi qashý úshin múlikti jasyryp, aktıvterdi shyǵaryp, sot arqyly bankrot bolǵan jaǵdaılary jıilegen. Alaıda qazir mundaı áreketter anyqtalyp, oǵan barǵan kompanııalardyń quryltaıshylary men basshylary jeke jaýapkershilikke tartylyp jatyr, dep habarlaıdy Egemen.kz.

Baıan SÚLEIMENQYZY

Qasaqana bankrottyq jarııalaǵan kompanııalar kóbeıdi: 44 qylmystyq is qozǵaldy

Foto: fingramota.kz

Mamandardyń aıtýynsha, ádeıi bankrottyq qaryzdan qutylýdyń ońaı joly emes.

«Ońaltý jáne bankrottyq týraly» zańǵa, Ákimshilik quqyq buzýshylyq týraly kodekske jáne Qylmystyq kodekske sáıkes, kináli tulǵalarǵa ákimshilik jáne qylmystyq jaza qoldanylady. Budan bólek, olar kompanııanyń qaryzdaryn óz jeke qarajaty esebinen óteýge de mindettelýi múmkin. Bul jaýapkershilik bankrottyq rásimi aıaqtalǵannan keıin de saqtalady.

Sottan tys bankrottyq rásim jeńildetildi

2024-2025 jyldary ádeıi bankrottyqqa qatysty 120 ákimshilik is jáne 44 qylmystyq is qozǵalǵan. Sottar kináli tulǵalardan iri kólemdegi qarjyny óndirip alý týraly sheshimder shyǵarǵan.

Memlekettik kirister organdary engizgen avtomattandyrylǵan taldamalyq júıeler mundaı zańbuzýshylyqtardy anyqtaýdy jáne dáleldeýdi burynǵydan da tıimdi etip otyr.

Nátıjesinde bankrottyq rásimi jaýapkershilikten qashý amaly emes, kerisinshe, kredıtorlardyń quqyǵyn qorǵap, ádilettilikti qalpyna keltirýge baǵyttalǵan zańdy tetikke aınaldy.