Seısmologtardyń jedel málimetine sáıkes, jer silkinisi 22 qańtar kúni Astana ýaqytymen saǵat 12:03-te Qytaı aýmaǵynda tirkelgen. Kartalyq derekterge qaraǵanda, jer silkinisiniń oshaǵy Almaty qalasynan ońtústik-shyǵysqa qaraı 282 shaqyrym jerde ornalasqan. Qazaqstan aýmaǵynda dúmpýlerdiń sezilgeni týraly málimet joq.
Eske sala keteıik, 12 qańtarda Almaty mańynda jer silkinisi bolǵan edi. Tótenshe jaǵdaılar mınıstrliginiń Seısmologııalyq baqylaýlar men zertteýler ulttyq ǵylymı ortalyǵynyń habarlaýynsha, onyń magnıtýdasy 4,0 boldy. Jerasty dúmpýleri Qazaqstan aýmaǵynda sezilmegen.
