Beıbitshilikke bastar qadam

Donald Tramp Beıbitshilik keńesin Gaza sektoryn qalpyna keltirýdi úılestirýmen aınalysatyn uıym retinde qurdy. Buǵan deıin AQSh-tyń Taıaý Shy­ǵys jónindegi arnaıy ókili Stıv Ýıtkoff óńirde atysty toqta­tý rejiminiń ekinshi kezeńi bas­talǵanyn málimdegen edi. Osy­ǵan oraı AQSh prezıdenti Shveı­sarııanyń Davos qalasyna alpysqa jýyq eldiń basshylaryn shaqyryp, Dúnıejúzilik ekonomıkalyq forým aıasyn­da Beıbitshilik keńesiniń alǵash­qy otyrysyn ótkizdi. Onda Beıbit­shilik keńesiniń Jarǵysyna AQSh-ty qosa alǵanda, 19 eldiń kósh­basshylary, sonyń ishinde Qa­zaqstan, Ázerbaıjan, Armenııa, О́zbekstan, Pákistan, Indonezııa men Majarstan basshylary bar. Reuters agenttiginiń habarlaýynsha, 35 el Tramptyń bastamasyna qosylýǵa kelisken.

«Beıbitshilik keńesi endi resmı túrde qurylǵan halyqaralyq uıym», dep málimdedi Aq úı­diń baspasóz hatshysy Kero­laın Levıtt. Al D.Tramp Beıbit­shilik keńesi BUU-men ynty­maq­tasatynyn aıtty. Alaı­da AQSh kóshbasshysy Beı­bit­shilik keńesi jahandyq máse­le­lerdi sheshýde BUU-ny almas­tyrýǵa tyryspaıtynyn atap
ótti.

Infografıkany jasaǵan – Amangeldi Qııas, «EQ»

Deutsche Welle aqparat agenttiginiń habarlaýynsha, 1 mlrd dollar jarna tó­legen el­der Beıbitshilik keńe­sine tu­raq­ty múshe bola alady. Elimiz de Da­vostaǵy Dú­nıe­júzilik ekonomıkalyq forýmynda Beıbitshilik keńesiniń quramy­na endi. Alaıda jarna tólegen joq. Aqordanyń baspa­sóz qyz­meti habarlaǵandaı 1 mlrd dollar kólemindegi jarna múshelik­tiń sharty emes, bul árbir qaty­sýshynyń quqyǵy.

«Beıbitshilik keńeske kirý úshin tek memlekettiń táýelsiz sheshimi qajet. Kirgen sátten bas­tap memlekettiń Keńeste bolý merzimi úsh jyldy quraıdy. Jarǵyda aıtylǵan 1 mlrd dollar kólemindegi erikti jarna músheliktiń sharty emes. Bul árbir qatysýshynyń quqyǵy. Qazaqstan Beıbitshilik keńesine qandaı da bir qarjylyq jarna engizbesten kirdi, bul jarǵynyń erejelerine tolyq sáıkes keledi», dedi Aqordanyń baspasóz qyzmeti. Málimetke súıensek, eger 1 mlrd dollar jarna birinshi jyl ishinde tólense, memleket óziniń Keńestegi qyzmetin belgilengen úsh jyldyq merzimnen tys uzartýǵa múmkindik alady.

Beıbitshilik Jarǵysynyń erejesine sáıkes, AQSh pre­zıdenti Beıbitshilik keńesiniń alǵashqy tóraǵasy bolyp saılandy. Ol Keńeske qatysatyn elderge shaqyrtý jiberý týraly sheshimdi jeke ózi qabyldaýǵa quqyly.

Qazir Gaza sektoryna kómek aýadaı qajet ekeni aıtpasa da tú­sinikti. Ondaǵy áskerı áre­ket­­­terdiń saldarynan mańyz­dy ınfraqurylymdar qıraǵan. BUU-nyń málimetine súıensek, 60 000-nan astam ǵımarat úıindige aınalǵan. Sý júıeleriniń jetpis paıyzy jaramsyz bolyp qalǵan. Osy oraıda Beıbitshilik keńesi turǵyndarǵa jedel gýmanıtarlyq kómek kórsetýge basymdyq berip otyr. BUU esepteýinshe, aımaq­ty tolyq qalpyna keltirýge kem degende 70 mlrd dollar qarajat qajet. Izraıl buǵan deıin qı­ran­dylardy tazartýǵa qarjy tóleý­ge daıyn ekenin málimdegen edi. Alaıda ázirge esh áreket jasa­mady. Aqparat kózderine súıen­sek, Keńes jarnasy qalpyna kelti­rý jumysyna jumsalady.